喜萬年酒樓

营业中

休息中

喺灣仔番咗好幾年工，一直以為想飲茶冇咩選擇，點知仔細再搵搵先發現哩間老字號嘅存在，一食發覺咁出色，當然要寫番篇食評推介吓啲心水點心小食啦 (特別係發覺眾多食評大部份都係介紹緊佢嘅晚市食物)~首先係佢嘅🥨蛋散蜜芽糖夠重手唔怕一邊有糖一邊冇，仲配上香香嘅黑白芝麻🥰再嚟就係🦑酥炸魷魚鬚佢嘅炸皮夠晒薄，有別於平時喺其他茶樓食到嘅炸皮，哩度嘅比較鬆化，唔係好實一大片咁，更唔會覺得成口粉咁～然後就係佢嘅🍯蜜糖黑椒雞中翼唔好睇佢係普通炸雞翼咁簡單，隻隻夠多肉漲卜卜不突止，仲要炸完都非常juicy，加上調味甜得嚟幾惹味，係估唔到傳統茶樓會出現嘅出色食品。估佢唔到嘅仲有哩個🥘咖哩牛筋腩煎米粉米粉煎好切成好幾份好方便分食，再配上微辣嘅咖哩牛筋腩，脆脆地咁十分滋味除咗上述嘅介紹，仲有🦐蝦餃燒賣等必食點心都做得好好~件件都king size再加埋大大隻蝦仁，十分足料！總括而言，食物味道好，坐位唔會太迫，上菜又快，下次lunch hour想飲菜要再嚟先得！