喜萬年酒樓

营业中

休息中

喺湾仔番咗好几年工，一直以为想饮茶冇咩选择，点知仔细再揾揾先发现哩间老字号嘅存在，一食发觉咁出色，当然要写番篇食评推介吓啲心水点心小食啦 (特别系发觉众多食评大部份都系介绍紧佢嘅晚市食物)~首先系佢嘅🥨蛋散蜜芽糖够重手唔怕一边有糖一边冇，仲配上香香嘅黑白芝麻🥰再嚟就系🦑酥炸鱿鱼须佢嘅炸皮够晒薄，有别于平时喺其他茶楼食到嘅炸皮，哩度嘅比较松化，唔系好实一大片咁，更唔会觉得成口粉咁～然后就系佢嘅🍯蜜糖黑椒鸡中翼唔好睇佢系普通炸鸡翼咁简单，只只够多肉涨卜卜不突止，仲要炸完都非常juicy，加上调味甜得嚟几惹味，系估唔到传统茶楼会出现嘅出色食品。估佢唔到嘅仲有哩个🥘咖哩牛筋腩煎米粉米粉煎好切成好几份好方便分食，再配上微辣嘅咖哩牛筋腩，脆脆地咁十分滋味除咗上述嘅介绍，仲有🦐虾饺烧卖等必食点心都做得好好~件件都king size再加埋大大只虾仁，十分足料！总括而言，食物味道好，坐位唔会太迫，上菜又快，下次lunch hour想饮菜要再嚟先得！