一盞燈 (已結業)

相约一位好耐冇见嘅朋友谂住揾个地方可以食嘢坐下倾下偈, 之前bookmark咗呢一间喺长沙湾嘅cafe, 决定试下.由订位开始, 一盏灯已经留咗一个好好嘅印象畀我 ...打电话去订位, 店员十分友善有礼, 平日中午帮衬亦冇特别时限, 呢一点令我哋想坐低倾下偈嘅客人绝对系十分吸引. 当日因为朋友临时唔舒服,所以打电话去cancel booking, 一盏灯员工亦好好,主动将我哋个booking移去下一个星期. 到帮衬当日, 的确有惊喜...估唔到长沙湾屋邨商场内有一间环境雅致舒适嘅cafe, 地点十分易揾,长沙湾地铁站C1出口一条直路行到尾就可以见到.晏昼有set menu, 价钱合理 ... 有意粉, burger,肉等等, set 包一个沙律同饮品, 亦可以加钱要汤及其它特饮, 对我哋嚟讲,餐牌有足够食物及饮品可以拣选, 食物同份量都合格有余, 最令人惬意系员工态度十分好, 友善热心, 喺适当嘅时候做适当嘅事,唔会打扰客人,我哋喺一盏灯过咗三个钟头十分难得嘅相聚时光. 另外一个窝心地方, 我哋光顾一个月后,一盏灯嘅 Cat 打电话通知我哋换咗新餐牌, 如果我地再去嘅时候可以赠送甜品,