圓圓車輪餅

营业中

休息中

呢间铺头系我同阿囡每次经过葵芳必定帮衬既小店！由我细个开始就好钟意食鸡蛋仔，但唔系间间舖头整得好食，即使有啲排晒长龙既舖头，我试过佢哋既鸡蛋仔都系觉得一般，直至有一次我经过呢间试过佢既鸡蛋仔后😍，系啦！就系我钟意既口感同味道啦！由果日开始，我每次经过会帮衬，不过都试过突然惗起好想食，会专登由屯门搭车出去买黎食😂。每次去都会尝试唔同味道，今次我同阿囡试咗Oreo鸡蛋仔同埋阿华田麻薯车轮饼，呢两样都唔会太甜，我自己较钟意鸡蛋仔，好香好脆！每次食都觉得好满足，好幸福🥰。同埋呢间舖头有好多款唔同味道既鸡蛋仔、格仔饼、车轮饼，睇住店主跟住order整唔同既饼，真系好治愈🤣🤣🤣呢间既鸡蛋仔真系好好食，而家惗起都好想再食🤤。