燒鳥 (已結業)

原先打算同女友去新罗宝试试,但碍于粮尾,决定到此小店闯闯..进铺后,发觉系一间一人店,落单,执,拖地,煮食,收钱都由日藉老细担当,辛苦哂喇..由于语言不通,查问set dinner 时都颇吃力,不过最后都order左一大堆食物..亲子丼,咖哩汉堡饭--尤记得0系日本一d远离都市既小店食过一客令我十分难忘既亲子丼,今次希望从日藉师父中回味一下,不过蛋有轻微过熟,幸好食味都唔差,劲多汁,食到落碗底都啖啖汁,几好味..不过咖哩就麻麻地,d咖哩太稀又唔够浓,一上重以为系咖哩汤饭..不过d 饭份量几大,女仔share 一个都可能够..冷豆腐,牛油金菇--冷豆腐正~味道好,又够冻~牛油金菇冇咩牛油味,但系落左劲多酒去炒,食落苦苦地,不过都唔错~烧鳗鱼饭团--好味~烧到d 饭干干地身,唔错,比和民既好得多~八串串烧--质素几平均,唔错~一边食,望见老细周身汗一脚踢又煮又烧又收钱,真系感动,再加上对方充满诚意既态度同每刻都面带笑容,令我明白到做事系唔应该怕辛苦,只要自己系乐在其中,辛苦d又何妨呢?埋单$162,由于揾唔到散纸,老细表示$2唔驶比,我同女友耍手拧头,对呢d有诚意既小店,请愿多给好过少比.