樂樂韓式豬手

营业中

休息中

记得以前西九龙中心即系中学时代嘅回忆，隔咗咁耐冇返去心血来潮去行吓睇吓有乜嘢变化，依然系中学时候嘅感觉一样。但系佢嘅food court就好似多咗好多嘢食，我哋今次就拣咗一间韩式嘅餐厅试吓，记得上次去完韩国食猪手之后，女朋友成日都话好挂住韩国嘅猪手，不过今次拣呢间餐厅都冇令我哋失望。我哋叫咗半份蒜蓉猪手，好香嘅蒜蓉味令到人食欲大增，猪手都好腍，外皮好q弹，口感极佳。然后再叫咗一个卡邦尼年糕公仔面，除咗有好多烟肉洋葱之外，亦都有浓厚嘅芝士味，整个面既味道都好配合。总算今日嘅行程都冇令到我哋失望重新找回中学时期嘅感觉。