美新茶餐廳 (已結業)

师傅寻晚好夜先喺监房走, 夜妈妈都唔知食咩好, 净系想揾间茶餐厅坐一阵, 填饱个肚咋, 忽然间师傅醒起呢间食店, 心谂就决定黎呢度, 试下炒野都好!事别七天, 再次光临, 入到去都有几枱客, 一坐底即刻睇下有咩食, 最后都系比佢个晚餐吸引住, 晚餐有餐汤同餐茶, 而师傅今次就要左个焗肉酱意粉, 皆因好耐都冇试过, 而餐饮就要左冻柠檬茶!等左一阵餐汤先到, 今次真系罗宋汤, 而唔系中汤喇, 师傅绝对相信因为时间比上一次为早, 所以尚未沽清; 即刻试下个汤先, 个汤酸酸地加上劲辣, 师傅是次连胡椒粉都冇落过, 真系非常好味, 呢个罗宋汤一定系师傅近期饮过最好嘅; 饮完个汤再等一阵焗肉酱意粉就到喇! 焗肉酱意粉份量劲大, 系即刻焗出黎, 热辣辣非常吸引; 先试下个肉酱汁, 芝士味就冇咩, 不过d蕃茄汁就酸酸地, 好开胃加上肉酱劲多, 好好味, 而意粉都焗得好腍好滑, 唔会实的的, 味道唔错, 正呀! 而冻柠茶今次又就好味, 柠檬够多酸酸地而茶味亦可, 不错!总括黎讲食物质素令人满意, 环境真系普通, 个汤兜都烂烂地, 而服务亦可, 而价钱就相当抵食, 一个晚餐都系三十八, 加两鸡冻饮, 埋单