ethos (山道) (已結業)

今日同朋友需要一个静静地嘅地方倾计，所以就来到位于西环坚尼地城山道嘅ethos。呢一带环境宁静，入黑后更系人烟稀少，气氛悠闲舒适，系适合静静地聊天嘅好地方。咖啡店装潢走简约设计，原始嘅水泥外墙、地板配上木制餐枱、铁制高脚椅，简简单单，和谐又搭调。Honey coffee (hot) $40平日最怕咖啡苦涩味道的我选了honey coffee，甜甜的蜜糖味中和了苦涩的咖啡味，质感香滑，个人挺喜欢。Seafood risotto $138(Cooked with daily selected fresh seafood)主食就拣左海鲜意大利饭，配料有海虾、带子、青口、鱿鱼等，非常丰富。而份量亦不少，一个女仔食觉得好饱。最欣赏系饭粒煮得恰到好处，口感烟韧有咬口，更充份吸收海鲜汤嘅精华，好鲜味！各款蛋糕都好吸引，可惜太饱，下次再来一定会试吓。临近圣诞，店内有售圣诞咭及造型精致嘅圣诞甜品，收益作慈善用途。呢间咖啡店彷佛遗世独立，有令人不自觉地放慢脚步嘅魔力，真系羡慕香港大学嘅学生，有咁舒适宁静嘅「避世之处」呢。