三姐松記糖水 (已結業)

喺深水埗食完晚饭，本身已经谂住搭车返屋企，行行吓见到有糖水舖，男人又扭计食糖水，好啦，舍命陪君子，一于就大无畏增加卡路里陪佢食一食啦。餐厅店面装修简洁明亮，以白色为主题，感觉干净清新，墙身挂左好多唔同地方嘅风景照，有希腊亦都有日本嘅樱花，睇住真系觉得好舒服令人心境平静放松。而且在铺头不断咁播住一啲旧歌（例如陈晓东）即刻觉得回到以前嘅学生时代放学去食糖水咁可能时间尚早，未见到有好多客人，但系一路食已经有人不断入嚟买外卖，生意好似都唔错。而餐牌选择都唔少。木糠布甸木糠布甸超级creamy, 忌廉味重，玛丽饼亦都冇过淋。层层分明，份量都算多，都几抵食法式焦糖炖蛋配青柠雪葩焦糖表面烧得脆口，炖蛋入面嘅云呢拿味道好浓郁，青柠雪葩令人觉得好新鲜，食炖蛋感觉太甜腻时正好用雪葩压一压，相得益彰。意大利伯爵奶冻配益力多雪糕奶冻奶味浓郁，亦透出丝丝嘅伯爵茶香味，益力多雪糕好特别， 酸酸甜甜，口感过瘾。