蟲二

营业中

休息中

「虫二」名字又特别又可爱，令人一听就记得。餐厅位于旺角人流中心地带嘅全层顶楼。铺面前后都有小花园，布置用心，清新自然格调，令人感觉疗愈。🍲大根炆炖牛腩汤乌冬（$110）- 牛腩炆得入味，调味配搭讲究，味道有层次。牛腩经过慢火烹调，肉质够稔。乌冬滑嘟嘟而且Q弹。有三片莲藕渍物伴碟，酸酸甜甜，可解除牛腩油腻感，甚有惊喜。🥞伯爵茶麻薯传统班戟（$98）- 打卡度超高📸班戟厚身松软，入口有阵阵伯爵茶香味，中间有烟靭嘅麻薯，配上云呢拿雪糕，新鲜水果，燕麦片，微微烧过嘅焦香，多重口感，好值得一试。🍵绿茶伯爵茶（$55）伯爵茶采用德国煎茶，茶香诱人，顺喉回甘。热茶用别致嘅茶壸装住，富有典雅感。🍹冷泡水果茶（$55）口感微甜微酸，充满清新水果香气，混合茶香，最适合炎炎夏日用嚟解渴。餐厅食材新鲜，配搭花心思，尽显厨师嘅创意及厨艺。食客一边品尝美食嘅同时亦都可以欣赏绿油油嘅花园景色，短暂离开烦嚣。「虫二」的确系一个放松心情嘅好地方。