江仔記

营业中

休息中

因较早前姨妈介绍话天水围天瑞商场呢间「江仔记」嘅出品相当唔错，所以我们都嚟食过两次，觉得出品都一直保持得几好，所以今日咁啱喺附近做完嘢之后，就特意搭两个站轻铁过嚟食个下午茶！一开始我们每人都叫咗碗鱼四味河嚟食，等咗唔驶好耐就有得食喇，首先当时系饮啖汤先，味道系相当清甜香浓，唔会过咸或过淡，鱼蛋嘅质感系非常鲜甜弹牙，而且有浓浓嘅鱼肉鲜味，完全唔会有腥嘅味道，而鱼皮饺就超级足料大只，差唔多系其他店两只份量，真系超抵食呀！至于河粉其实先系当中嘅主角，因店员话河粉系他们自设工场鲜制，所以河粉嘅质感系极之软滑薄身，唔会又粗又「嚡」，所以我们决定同之前一样，都系每人要叫多碗嚟食！第二碗我们就叫咗墨鱼丸牛丸河，墨鱼丸嘅鲜甜味比鱼蛋更加突出，因真系有爽甜嘅墨鱼粒，令到口感更加丰富，所以真系超鲜味弹牙喔！另外一样要重点推介嘅亦都系他们特别秘制嘅辣椒酱，因加咗之后唔会祇系食到辣味，反而更加带出鱼蛋墨鱼丸嘅鲜味，令人有种「食上瘾」嘅感觉！所以我们每次嚟就算食完第一碗已经觉得饱，但都要叫埋第二碗嚟食先觉得满意同满足！