茜廊餐廳 (樂富廣場A區)

营业中

休息中

今日谂住去行山，所以上山之前去食个早餐，因为人生地不熟，所以求其揾间餐厅就入去食了，点知竟然有惊喜😻。今日就叫左个香草肠罗宋汤烟斗粉配牛奶炒蛋同多士（$38）牛奶炒蛋食入口非常嫩滑，重牛奶味🥛，一D都唔马虎。最令我惊喜系，除左牛油外，餐厅竟然提供埋士多啤梨酱🍓俾你涂多士，真系唔系每间餐厅都做到，十分贴心❤️。香草肠罗宋汤烟斗粉烟斗粉平时比较陌生，但食入口又几好食😋，呢种粉好索汤汁，令你每一啖粉都有浓浓罗宋汤味，而且烟烟韧韧，几得意。最重点系呢个餐厅既罗宋汤十分好饮👍，浓郁得黎，仲有少少辣辣地🌶，岩晒钟意食辣既我，仲要有好多配料，例如洋葱🧅，青椒🫑同蔬菜🥬等，十分有诚意，如果我下次再黎乐富食早餐，一定会encore呢间餐厅😍。