最想吃 (已結業)

满心欢喜lunch食石烧牛肉😋过个Happy Friday！跟同事揾食嚟到好想吃韩式料理，叹个开心lunch！但有啲啲事与愿违嘅感觉🙈我哋喺开门冇几耐12点左右嚟到餐厅，侍应生唔知点解黑口黑面...我哋落完单又唔同我哋讲可以出去外面拎汤同饮品，如果唔系我哋自己发现，都唔知加饮品同甜品要加$10...服务认真麻麻..加上食食下中途个侍应生冇啦啦大叫😱真系吓死我哋班食客...极上安格斯牛小排石烧 $138特级雪花牛扒石烧 $98有个好大嘅问题🙈就系石头唔够热..而且安排左个冷气风口位俾我哋...吹冻晒块扒！搞到长期都系熟同唔熟之间唔食得...lunch时间有限🤔真系冇咩时间同佢慢慢烧！第二个问题系 安格斯牛小扒同雪花牛扒都有好多好多筋！想切开细细旧易啲烧都难🙈 牛肉味系够嘅，但系时间上真系好难熟！牛肉涮涮锅(一人前) $108同事醒目叫左个稳打稳阵嘅边炉set！一定够熟又可以食得快🤣牛肉有8片都唔错😋有个蔬菜篮同肉丸🍡另外可以出自助吧拎饭同汤！值得一赞系个罗宋汤好足料👍🏻而且味道香浓唔错！T-able指数：2.8/5