辣蟹舫 (已結業)

上个月同三五知己一齐第一次来辣蟹舫食饭, 当天大家都食得好开心好满足,估唔到有惊喜(店舖做推广,堂食一只蟹下次再光顾便送一只蟹), 噢!!!实在太吸引了, 我们己约定4月份要再来食。上星期五再约原帮人马再来食(当然要记得带送蟹的coupon啦), 今次由正门上一层楼梯,上到去其实已满了8成, 好多都系朋友, 亲友聚会, 十分热闹。大家己好心急叫了些小食再慢慢点菜, 伙计可能见我们5个姐妹, 便介绍了一个黄酒煮鸡俾我们, 有淡淡的黄酒香加上鸡煮得很滑, 大家都劲赞好补身。今次送的避风塘炒蟹分量唔少之余, 味道依然保留上次的风味及好食, 蟹裹在呢D重口味炸蒜蓉葱碎爆炒之后依然能食出鲜味。至于个黄金流心虾球入口松化, 虾肉咬落新鲜弹牙, 每只只是$28超低(不过不可以贪心, 每人一只便够)。啫啫介兰煲又系好正, 介兰非常爽甜, 味道又不会太浓太油。蟹油银芽炒面炒得好干身好有镬气, 再加上他们秘制的蟹油辣椒酱(这个配搭同出面的食店的炒面有就有很大分别了)。总体各位姐妹对今晚这餐都好满意, 我同另外2位姐妹还买了辣椒酱返屋企添。