嚐味 (已結業)

喺呢一层美食坊行嚟行去揾嘢食 , 见到呢间餐厅嘅餐牌有好多款食物拣 , 就想试下。不过 , 叫咗嘢食先后悔冇睇到食评。俾我拣多次 , 我死都唔会入嚟坐。落完单后 , 叫个侍应攞三杯热水 , 佢就攞咗三杯冻水。咁都算啦 , 佢拎走𠮶三杯水嘅时候仲要倒泻水 , 整到朋友条裤湿哂。无语。随后送嚟嘅三杯热水延续各人嘅愤怒。每只杯内都只有三分之一杯热水 , 好似连水都唔想俾你饮。唔叫又会渴死你 , 叫又俾得三滴你。想点?叫咗四款饭。唉......第一系无骨海南鸡饭。谂住海南鸡饭系招牌 , 就叫嚟试吓。的确系无骨 , 不过就嚿嚿都系鸡胸肉 , 好鞋好韧。第二系美国板烧牛脷饭(洋葱汁)。牛脷好冧 , 一咬就开。不过汁同饭都系冻嘅。第三系香茅猪扒炒蛋饭。OK啦......第四系猪颈肉卤肉饭。"劲难食" , by 隔篱位。转述该朋友的话 , 猪颈肉得三数块 , 淡而无味。而且从未食过咁难食嘅台式卤肉。谷住成肚气食完 , 价钱又非常唔合理 , 好。食物质素+价钱+服务态度吓死人。一句到底 , 唔会再嚟。