影片
更多
2019-01-08
51 浏览
呢间餐厅坐落喺旺角嘅大厦入边，非常就脚。而且晩市嘅人流唔算多，适合同朋友静静地享受高质嘅边炉。叫咗个晚市海鲜火锅套餐，汤底系冬瓜白肉卜卜蚬锅。汤底入边嘅配料少少偷工减料都冇，蚬同猪肉嘅份量好多，质素亦都高。😋跟餐仲可以全场任饮红白酒，啤酒同埋汽水。听店员讲呢两款酒都系攞过奖嘅酒，都几易入口。呢个拼盘有手工韭菜饺、手工西洋菜饺、手工芫荽饺、手工狮城鱼尾云吞、猪肉酿瓜环同埋手工安格斯芝心牛丸。呢几款饺都系高水准嘅表现，但安格斯芝心牛丸实在令人大为惊喜。安格斯牛嘅质素相信系毋庸置疑，再加埋浓郁嘅芝士，呢粒牛丸真系非常邪恶啊！🤩而呢个海鲜拼盘就有半只龙虾、象拔蚌、大虾、刀背同埋广岛蚝。每款都大过只手咁济😱，真系斋望都已经垂涎三尺。每款都鲜味十足，超高质！打边炉点可以少得牛肉，呢个手切安格斯Prime Grade牛颈脊肥牛片块块都唔薄，睇佢啲纹理都知肥膏好少，入口牛味十足，好正！😍呢个拼盘就有即炸响铃，即炸鱼皮同埋墨鱼胶酿油炸鬼。呢个墨鱼胶酿油炸鬼非常之有创意，估唔到打边炉食油炸鬼有咁好嘅效果。鱼皮同响铃都又长又厚，冇得顶！最后仲有呢个手打鱼面。面质又粗又弹牙，好饱肚！
呢间餐厅坐落喺旺角嘅大厦入边，非常就脚。而且晩市嘅人流唔算多，适合同朋友静静地享受高质嘅边炉。
叫咗个晚市海鲜火锅套餐，汤底系冬瓜白肉卜卜蚬锅。
汤底入边嘅配料少少偷工减料都冇，蚬同猪肉嘅份量好多，质素亦都高。😋
跟餐仲可以全场任饮红白酒，啤酒同埋汽水。听店员讲呢两款酒都系攞过奖嘅酒，都几易入口。
呢个拼盘有手工韭菜饺、手工西洋菜饺、手工芫荽饺、手工狮城鱼尾云吞、猪肉酿瓜环同埋手工安格斯芝心牛丸。呢几款饺都系高水准嘅表现，但安格斯芝心牛丸实在令人大为惊喜。
安格斯牛嘅质素相信系毋庸置疑，再加埋浓郁嘅芝士，呢粒牛丸真系非常邪恶啊！🤩
而呢个海鲜拼盘就有半只龙虾、象拔蚌、大虾、刀背同埋广岛蚝。每款都大过只手咁济😱，真系斋望都已经垂涎三尺。
每款都鲜味十足，超高质！
打边炉点可以少得牛肉，呢个手切安格斯Prime Grade牛颈脊肥牛片块块都唔薄，睇佢啲纹理都知肥膏好少，入口牛味十足，好正！😍
呢个拼盘就有即炸响铃，即炸鱼皮同埋墨鱼胶酿油炸鬼。呢个墨鱼胶酿油炸鬼非常之有创意，估唔到打边炉食油炸鬼有咁好嘅效果。鱼皮同响铃都又长又厚，冇得顶！
最后仲有呢个手打鱼面。面质又粗又弹牙，好饱肚！
张贴
