王家沙 (已結業)

虽然之前都见评价麻麻地，但贪又一城地点方便大家，所以book左琴晚去食团年饭! 叫咗好多野食! 酸辣汤，小笼包，生煎包，担担面，等等…食物质素还可以，不至于差，但没什么特别。但见到一件好过份嘅事，不得不同大家讲!话说，食食下饭，我突然嘭一声! 竟然见到附近有位女士跌倒在地同一张断左只脚嘅櫈! 我见王家沙职员即刻帮佢换走张烂櫈，好似怕人会影佢相咁! 之后仲当无事发生一样，完全无歉意! 虽然那位女士好好，冇要求赔偿，但王家沙都好应该认真处理! 点可以得过且过! 试谂下如果系坐喺烂櫈嘅系老人家或者小朋友，咁后果更加不堪设想!! 我见唔少人评价都话员工无礼貌, 希望王家沙经理们正视一下员工处理事故的态度，以及餐厅枱櫈折旧问题！