怡寶馬來西亞風味餐廳 (已搬遷) 新店位置

之前系介绍新加坡肉骨茶时都讲过，传统肉骨茶有两种，新加坡主打白色肉骨茶，白胡椒味为主。马来西亚主打黑色肉骨茶，药材味较浓。系公司附近呢几个月都有光顾呢间马来西亚餐厅，贪佢肉骨茶够正，所以今日又去左光顾一下。拉茶源自移居马来西亚的印度人带来，用两个杯子远距离倒来倒去，看似拉来拉去，故名“拉茶”，“拉”得越长，泡沫越多，味道就会愈好。味道好香好滑，同港式奶茶风味各有不同。肉骨茶劲大煲，药材味好香，但系唔会话好浓好苦的药味，而且不会腻。肉排骨煮得够腍够香，配上伴菜的酱油同辣椒油好正！油条好新鲜，索哂D汤汁劲好味。食完之后成身暖哂！马来西亚咖哩猪颈肉喇沙最正既系个汤底，咖喱味加喇沙，又香又浓但又唔会太辣。豆卜最正，索哂D喇沙汤，正！猪颈肉肉质有少少「乸」，肉质唔够爽口，有点失分。咖喱牛腩饭既牛腩好多，够哂足料。牛筋好腍，牛腩入味，咖哩算几香，酱汁好浓，用黎捞饭少少辣，惹味！