鮨川 (已結業)

屋企人想食omakase，上网揾咗几间，见到呢间鮨川嘅嘢食相睇落唔错，决定嚟试下。Omakase好唔好食，真系好睇厨师同食材嘅质素。咁呢间又做得几好，食材每日新鲜空运到港，厨师对唔同食材嘅配搭又有心思，食落有意外之喜。我个人钟意佢个吞拿鱼手卷，真系做到omakase 要嘅鲜同质素。屋企人比较钟意海胆，佢话冇谂过海胆配豆腐又几好食。我觉得同食材本身质素有关，质素够好，好难整得难食嘅。餐厅喺铜锣湾，虽然冇咩超靓海景林景，但胜在位置方便，而且餐厅入面干净企理，房入面睇唔到厨师整，但相对有私隐同宁静，加上啲职员话有喷啲消毒抗菌，都安心食得。整体嚟讲系高于预期，抵食嘅。