北海道食堂 (已結業)

如果区外朋友问我 有冇推荐嘅沙田餐厅，北海道食堂会系其中之一。虽然近排转型做咗放题 兼且贵咗令我少咗帮衬，但想食铁板烧嘅晚上总系会谂起佢。今晚拣咗极上放题，铁板烧、刺身同炸物选择都几多。入座拣完食边只放题后，职员好热心地话我地知边度可以拎野饮，拎咗荔枝红茶同韩国桃味饮料，后者有啲啖。上菜速度比预期中快。先到嘅清酒煮青口几肥美，酒味几重。新鲜炸起嘅鸡软骨（浅色）同墨鱼咀（深色），外面里面都系脆卜卜的。唐扬鸡肉质嫩滑。八爪鱼丸虽然皮唔够脆，但味道做得几似外面嘅章鱼烧。主角铁板烧叫咗铁板烧大虾 蚝同带子，油份好多，煎得好香！蚝肉非常饱满，每次都必点！大虾同带子都系啖啖肉，肉质唔松散。刺身不仅卖相吸引而且好新鲜，今日嘅三文鱼几厚身。另一个必点之选 铁板鹅肝，外脆内软油脂十足，香味在口中四溢，令人难以忘怀嘅油腻味道。天妇罗种类都好多，今日叫嘅炸虾、茄子、甜薯、南瓜同多春鱼，每款都炸得好好食。不过多春鱼入面有胆，所以有一下食落有苦味。令人更满足嘅 手卷与寿司。特别钟意手卷嘅紫菜。菇类同牛舌串烧烧得几香。腩肉都ok。扣分位系鸡肾同鸡软骨，实在太干太咸，由其系鸡肾真系食唔到落去。做完食肉兽食吓炒菜中和