影片
更多
2016-11-02
802 浏览
即兴饭局，朋友话想食日本菜，我又想揾个好食又可以倾下计嘅地方，见到网上几好评，结果揾揾下揾到泥呢度。上到去，门面格调唔错，淡淡日式味道渗紧出泥，仲见到张吧台，应该系食「师傅发板」打开menu，果然第一页就系omakase，好似几掂咁款，一于叫几样食物试一试～啲餐具几靓，心情即刻好起来。先泥油甘鱼寿司清一清，大概系一口size，鱼肉系软绵绵嘅质感，鱼鲜有停留喺口腔，醋饭调味适中，入口几秒就溶晒～不过鱼味较清淡，未必啱重口味朋友仔。明太子鸡翼，阵热气上枱都未散，涨成咁，咬开酿满明太子，pop pop pop喺口中爆发。至于烧玉子食落有啲柚子味，滑蛋加柚子，呢个配搭比较少见，不过都ok㖞，系觉得可以热番少少。另外都点左两个主食，一个稻庭乌冬，配杂锦天妇罗。扁身嘅乌冬，好清嘅酱油汤底，热热地饮一啖好舒服，唔觉有味精chok住个喉咙。但由于乌冬比较易淋，个人觉得一上好快啲食。反而天妇罗摆耐左食都仲好脆，亦炸得好干身，唔油腻～另一个系馒鱼饭，将馒鱼切件围绕中间嘅大饭团，摆法似朵花，唔似一般就咁摆喺面，欣赏厨师嘅用心～闻起泥好香，试少少汁先。酱汁比平常食嘅有少少淡，不过馒鱼就好够味，鱼肉肥美无乜骨又
上到去，门面格调唔错，淡淡日式味道渗紧出泥，仲见到张吧台，应该系食「师傅发板」打开menu，果然第一页就系omakase，好似几掂咁款，一于叫几样食物试一试～
啲餐具几靓，心情即刻好起来。
先泥油甘鱼寿司清一清，大概系一口size，鱼肉系软绵绵嘅质感，鱼鲜有停留喺口腔，醋饭调味适中，入口几秒就溶晒～不过鱼味较清淡，未必啱重口味朋友仔。
明太子鸡翼，阵热气上枱都未散，涨成咁，咬开酿满明太子，pop pop pop喺口中爆发。至于烧玉子食落有啲柚子味，滑蛋加柚子，呢个配搭比较少见，不过都ok㖞，系觉得可以热番少少。
另外都点左两个主食，一个稻庭乌冬，配杂锦天妇罗。扁身嘅乌冬，好清嘅酱油汤底，热热地饮一啖好舒服，唔觉有味精chok住个喉咙。但由于乌冬比较易淋，个人觉得一上好快啲食。反而天妇罗摆耐左食都仲好脆，亦炸得好干身，唔油腻～
另一个系馒鱼饭，将馒鱼切件围绕中间嘅大饭团，摆法似朵花，唔似一般就咁摆喺面，欣赏厨师嘅用心～闻起泥好香，试少少汁先。酱汁比平常食嘅有少少淡，不过馒鱼就好够味，鱼肉肥美无乜骨又唔腥，好味～
呢间日式居酒小店食物卖相靓，用料新鲜，调味偏清淡，可能系想突显番食物原味。但整体味道、服务、环境都唔错，下次再泥试下lunch，见到menu好似都几抵食～P.S. 我地就喺呢个咁有日本文化气息嘅环境下慢慢食慢慢倾，好写意架～
张贴
