泰屋

营业中

休息中

泰国嘢一直都系又好味又邪恶嘅食物，今次呢间餐厅位于旺角，地点非常方便。餐厅位于一座商业大厦里面，差不多每一层都系来自世界各地嘅美食。餐厅装修以绿色为主调，摆放著不同的植物，令人有身处泰国的感觉。打开餐牌，每样都想食，令人有选择困难症。今晚都唔想食得太热气，所以先叫了个马拉盏通菜，比较健康。半打沙嗲系食泰国野系指定动作，猪鸡各3串。最后叫多个泰式猪脾好送饭。泰式猪脾好大只，炆得好冧，D猪皮好胶好黏，好多骨胶原。猪脾肉好冧卤得好入味，卤水汁又唔会太咸，味道啱啱好。美中不足的系鸡蛋只系白烚蛋，唔系卤水蛋。呢度既沙嗲真系无得输，咁大条就不在话下，烧得唔会好㶶，保持到肉里面既肉汁，本身既腌料都好好味，就算唔点沙嗲汁已经好够味。当然我呢D重口味既一定会点沙嗲汁，令到条串烧更好味。马拉盏炒通菜炒得好翠绿，唔会过左火，马拉盏好香好惹味，比起平时食既虾酱炒通菜无咁咸。食下D菜先可以中和返食肉既肥腻，感觉比较健康。呢度既椰青价钱比一般贵，不过想饮都照嗌啦。虽然系贵D，但椰青既size都好大，椰青水好甜好清，系食泰国野必然之选。