影片
更多
2022-05-14
90 浏览
小弟出去食饭，主要选择面食；面食之中，有人喜好日式拉面，有人钟意义大利面，总之咸鱼青菜各有所好。呢间海．三碗面，一直系小弟其中一间想试的舖头；店舖主打中式（或者应该叫港式）伊面，配菜有薄切牛肉片，汤底分别有浓虾汤底，金华火腿汤底同埋猪骨汤底。整个配搭，令小弟觉得新奇。 想话呢间系日式拉面舖？不论材料同烹调方式，都同其他日式舖头唔同。您觉得伊面系港式食物？成套面食煮完出黎之后，又有少少日式的摆盘风格...总之，成件事吸引到小弟专登抽时间帮衬。但系，您要帮衬ge话，要有先排至少一小时队ge心理准备。系呢间小店的唯三款汤底之中，呢次先拣金华火腿汤底，为小弟打响头跑。见到老板会分好每位客人能够享受的薄切牛肉份量，然后加上葱花，樱花虾以及少许油，再将其中一面肉片用火枪稍稍烧熟。至于伊面，老板会以日式拉面的煮法烹调，分好每位客人的伊面份量后，最后同样系碗面加上少许葱花。成间舖净系得老板１个人，由系出面排队到等老板煮完碗面，足足等左１个半小时。但系老板非常好记性兼好好礼貌之余，又唔会求其快手整碗面出黎就算数。换句话讲，老板「慢工出细货」换黎小弟食得舒服的感觉。先讲薄切牛肉，由于一面生一面熟ge关系，
呢间海．三碗面，一直系小弟其中一间想试的舖头；店舖主打中式（或者应该叫港式）伊面，配菜有薄切牛肉片，汤底分别有浓虾汤底，金华火腿汤底同埋猪骨汤底。整个配搭，令小弟觉得新奇。
想话呢间系日式拉面舖？不论材料同烹调方式，都同其他日式舖头唔同。
您觉得伊面系港式食物？成套面食煮完出黎之后，又有少少日式的摆盘风格...
总之，成件事吸引到小弟专登抽时间帮衬。
但系，您要帮衬ge话，要有先排至少一小时队ge心理准备。
金华火腿浓汤伊面 配 薄切牛肉
3 浏览
0 赞好
0 留言
系呢间小店的唯三款汤底之中，呢次先拣金华火腿汤底，为小弟打响头跑。
见到老板会分好每位客人能够享受的薄切牛肉份量，然后加上葱花，樱花虾以及少许油，再将其中一面肉片用火枪稍稍烧熟。
至于伊面，老板会以日式拉面的煮法烹调，分好每位客人的伊面份量后，最后同样系碗面加上少许葱花。
成间舖净系得老板１个人，由系出面排队到等老板煮完碗面，足足等左１个半小时。
但系老板非常好记性兼好好礼貌之余，又唔会求其快手整碗面出黎就算数。换句话讲，老板「慢工出细货」换黎小弟食得舒服的感觉。
先讲薄切牛肉，由于一面生一面熟ge关系，牛肉自然唔会太干柴、太韧或者太生腥。小弟更佩服老板，竟然净系用火枪，就可以将成片牛肉烧到界乎三至五成熟。呢几片牛肉，系小弟暂时食过ge牛肉之中最滑溜，而且带有微微肉香。但对十级牛肉爱好者黎讲，呢几片牛肉可能唔多够喉。
再讲讲主角－伊面同汤底ge组合。
小弟系出面食连汤ge面食，通常Ｄ汤咸到只能令小弟早早投降，造成浪费；但系呢个金华火腿汤底，不但唔觉咸之余，更加带有微微火腿的香气同味道（小弟反而唔太想火腿汤底太浓郁）。
伊面更加系小弟觉得大大加分的部分。出面师傅煮伊面，唔系过分油腻，就系过粉干身；小弟食伊面ge时候，竟然觉得好似食紧日式拉面，成碗伊面十分滑溜，又唔会觉得「漏」。就算小弟扮斯文人，食得慢，伊面都唔会索得太多汤汁，令到面条过胀。
小弟再次强调，原来出街食伊面，都可以觉得好舒服，好享受。
对于十级无耐性又怕排队ge小弟黎讲，如果最后排到食到Ｄ难食ge野，甘真系浪费大家时间。
呢间小店，从食物质素，到老板亲切有礼又用心的态度，都能够令小弟好好享受呢碗出色到不得了的面食；
无论下次要等几耐都好，小弟一定会再帮衬。
题外话/补充资料：
想试呢间海．三碗面又唔想排太耐队，平日（星期一至五）的下昼可能会好Ｄ
(以上食记乃用户个人意见 , 并不代表OpenRice之观点。)
张贴
