影片
更多
2016-07-11
510 浏览
想食正宗嘅印度传统菜唔一定要去重大厦，先至食到。 重庆大厦既印度菜的确系非常local，又抵食。但系𠮶度环境同人流比较复杂，两个女仔去始终觉得唔多自在。我哋一个印度朋友介绍咗我哋中环呢间传统既印度餐厅，由大厨、经营到楼面全部都系印度人主理。佢哋同家人、亲友都经常喺呢度聚餐，今晚我哋两个女仔就book咗枱，黎呢度叹一下佢地印度既传统口味。入到餐厅，感觉焕然一新。餐厅就浪漫高雅路线。而且空气弥漫住引人入胜嘅咖喱香气。真系未睇Menu已经好想即刻食返一道咖喱配薄饼。呢度环境好舒适每台印度客人都系静静咁对话，真系庆幸自己选择左将呢间特别又有特色既餐厅，黎呢渡过我嘅星期五晚。打开菜单，上面有印度菜名同中文对照，再加上大量嘅图片，所以唔惊唔识order。唯一唔识order 既系呢度嘅咖喱种类好多，名称好多，每种咖喱里面又由唔同嘅成份所配制， 对于我哋呢啲食咖喱嘅初哥，真系唔知点样分判。最后决定先由最传统正宗嘅口味开始。印度菜中最常食嘅除左咖啡，仲有烤鸡串烧。所以今晚一次过从入门开始，先从印度烤鸡半只98元埋手。铁板上嘅烤鸡有五件，烤成美丽嘅橙红色。大厨用蕃咖皮卷成花卉再配上爉烛，成件事presen
我哋一个印度朋友介绍咗我哋中环呢间传统既印度餐厅，由大厨、经营到楼面全部都系印度人主理。佢哋同家人、亲友都经常喺呢度聚餐，今晚我哋两个女仔就book咗枱，黎呢度叹一下佢地印度既传统口味。
入到餐厅，感觉焕然一新。餐厅就浪漫高雅路线。而且空气弥漫住引人入胜嘅咖喱香气。
真系未睇Menu已经好想即刻食返一道咖喱配薄饼。
呢度环境好舒适每台印度客人都系静静咁对话，真系庆幸自己选择左将呢间特别又有特色既餐厅，黎呢渡过我嘅星期五晚。打开菜单，上面有印度菜名同中文对照，再加上大量嘅图片，所以唔惊唔识order。
唯一唔识order 既系呢度嘅咖喱种类好多，名称好多，每种咖喱里面又由唔同嘅成份所配制， 对于我哋呢啲食咖喱嘅初哥，真系唔知点样分判。最后决定先由最传统正宗嘅口味开始。
印度菜中最常食嘅除左咖啡，仲有烤鸡串烧。所以今晚一次过从入门开始，先从印度烤鸡半只98元埋手。
铁板上嘅烤鸡有五件，烤成美丽嘅橙红色。大厨用蕃咖皮卷成花卉再配上爉烛，成件事present 得非常浪漫优雅，无论系两个女仔一齐欣赏，定系一对情侣共餐，都相信会对佢哋嘅present 都感到非常惊喜，估唔到印度菜系做到甘靓、甘有魅力。
Lamb Rogan Josh 印度式炖咖哩羊肉 108食咗鸡，咖喱方面我哋选择咗食羊肉。
咖喱嘅选择真系非常之多，所以我哋由嘅传统红咖喱开始。红咖喱偏辣，辛口惹味。
羊肉煮得非常淋，就算平时怕羊腥味嘅朋友都可以放心尝试，因为完全无腥味。Peshawari Naan 炭烧烤圆饼 48
主食既面饼选择都系非常多，最后经店员推荐，选择左带甜既烤圆饼。
烤圆饼上， 有可爱嘅啫喱。成份有杏仁、菠萝同椰子等，面底非常弹口柔软，绝对系手拉功夫嘅功力。面粉香软，就算单食都非常滋味。点咖喱都亦出奇地夹。Kingfisher 印度啤酒48
食印度咖喱又点会错过佢哋嘅印度啤酒呢？印度啤酒比我地平时饮既生啤仲要淡啲。
唔知系咪因为印度菜式口味较浓，所以啤酒方面，佢哋嘅口味反而系较清淡顺喉。不知不觉饮左三四支。食咖哩饮啤酒，真系无限舒畅。甜品方面，佢哋有印度雪糕同印度汤圆。
食到成口火辣辣，所以今次我选择左用粒粒橙汁作为总结。
总括来讲，今次呢个印度传统料理嘅体验非常开心，亦都充满惊喜。下一次会再来尝试唔同嘅咖喱。
张贴
