影片
更多
2017-10-28
1379 浏览
朋友系潮州冷一名，约食饭好多时都拣潮州菜馆，今趟亦冇例外，约左细佬去佐熟吴松街食间新开嘅潮州菜馆，菜馆叫太阳轩。潮州菜馆好多时装修都较为简陋，有啲老店仲可以用残旧形容，但太阳轩嘅装修就非常泗正光猛。点菜留翻俾同行潮州冷负责，我只系攞住本菜牌揭下揭下，发觉菜价都好合理，依家好多潮州酒家都将菜价定得好离地，太阳轩嘅菜价就定得相当亲民贴地喇。最抵食嘅六人套餐只卖HK$680，连加一茶芥每位计唔使HK$150，以晚饭计可算平到笑。友人点左个二人套餐，有潮州翅、卤水双拼、咸菜鳝片、炒面线同杏仁茶。潮州翅潮州翅同广东烩鱼翅其实大同小异，分别就喺个汤度，广东酒楼烩翅会用清汤，清汤以老鸡、火腿及精肉慢火煲成，汤喺煲好之后，里面嘅汤料仲系完好嘅，成只鸡会完好无缺，其他肉都系，而汤亦会好清，冇乜油，但潮州翅用嘅系浓汤，煮浓汤嘅汤料同清汤嘅其实一样，不过会用猛火煮成，汤煲好成只鸡会散哂，汤会好俗好多油，浓汤本身会相对清汤香浓，用作烩翅我认为更惹味。今晚呢度做嘅翅真系好到加零一，汤甘香浓甜，鱼翅份量多，估算最少有三两湿翅，发得相当软滑，可以用绕梁三日形容佢有几味美。除翅之外，笔者最钟意嘅就系下面呢道卤水双拼，
潮州菜馆好多时装修都较为简陋，有啲老店仲可以用残旧形容，但太阳轩嘅装修就非常泗正光猛。
点菜留翻俾同行潮州冷负责，我只系攞住本菜牌揭下揭下，发觉菜价都好合理，依家好多潮州酒家都将菜价定得好离地，太阳轩嘅菜价就定得相当亲民贴地喇。最抵食嘅六人套餐只卖HK$680，连加一茶芥每位计唔使HK$150，以晚饭计可算平到笑。
友人点左个二人套餐，有潮州翅、卤水双拼、咸菜鳝片、炒面线同杏仁茶。
潮州翅
潮州翅同广东烩鱼翅其实大同小异，分别就喺个汤度，广东酒楼烩翅会用清汤，清汤以老鸡、火腿及精肉慢火煲成，汤喺煲好之后，里面嘅汤料仲系完好嘅，成只鸡会完好无缺，其他肉都系，而汤亦会好清，冇乜油，但潮州翅用嘅系浓汤，煮浓汤嘅汤料同清汤嘅其实一样，不过会用猛火煮成，汤煲好成只鸡会散哂，汤会好俗好多油，浓汤本身会相对清汤香浓，用作烩翅我认为更惹味。
今晚呢度做嘅翅真系好到加零一，汤甘香浓甜，鱼翅份量多，估算最少有三两湿翅，发得相当软滑，可以用绕梁三日形容佢有几味美。
除翅之外，笔者最钟意嘅就系下面呢道卤水双拼，双拼可以任拣两款卤味，我地拣左墨鱼同鹅片，个卤水做到好香兼有不俗回甘味，鹅片肉好嫩滑，墨鱼片又爽口，用靓料绝无怀疑。
炒面线
用猪油炒成，香味扑鼻，面炒得干身弹牙。
咸菜煮鳝片
咸菜煮门鳝成日食倒，但用咸菜煮嘅白鳝鱼就第一次食，白鳝冇门鳝咁多骨，又滑身，咸菜汁完全贯穿每片鱼片。
煎蚝烙
正宗潮汕做法，并唔系炸得脆身的港式蚝饼，而系外面煎得香脆，中间系软滑薯粉嘅传统蚝烙，蚝仔味浓，水准唔错。
蛋白杏仁茶
相当滑溜，杏香天然。
综合整晚食物水准，我够胆讲比好多名牌潮州酒家好，佢地嘅浓汤潮州翅，绝对值得Encore 再Encore。
张贴
