日本黒毛和牛焼肉 牛太 (錦薈坊)

营业中

休息中

首先，见到出面餐牌写住buffet以为系烧肉放题，点知原来佢系指小食、甜品、饮品放题😅😅😅我哋一直抱住一个烧肉放题嘅心态入去食，入到去佢哋俾咗个Code我哋上面写住「扫一扫下面QR code就可以点餐喇！」真系以为佢系烧肉放题，后尾入到去个网先发现原来唔系😅😅咁点解出面Reception唔讲清楚？餐牌亦都无清楚列明系定食😅另外，Reception𠮶个女人态度都好差，原来我哋啲烧肉可以拣口味，但系佢问都无问就帮我哋拣咗盐味😅😅😅再者，食物质素好一般，肉嘅份量都好少，但系收$199，性价比好低。小食𠮶边嘅放题都好一般，得鸡块、章鱼小丸子同薯条拣，最多嘅系沙律配料，烧嘅蔬菜类都净系得六款，甜品都唔吸引，净系得雪糕同埋糯米糍系ok，成个体验都麻麻地。我建议呢间餐厅可以喺餐牌清楚列明呢个系定食，依家呢个餐牌嘅设计会令人误会，希望reception嘅员工可以简单介绍，依家出面reception嘅员工可以换走佢，态度好差，食物质素有待提升。