愛美素食坊 (已結業)

Item: 愛美素食坊
Rating: 5
Author: simply jj

Amy Vegatarian Food

4.5

14 食记

味道

环境

服务

卫生

抵食

214

湾仔

$101-200

粤菜 (广东) 素食私房菜

simply jj

等级4

1.6K

oct 09, 10...........好期待嘅斋局,因预早3个月先book到........10人嚟食私房斋宴..........店方安排咗以下美食 :

1) 酱芥
i) 唔辣黑豆酱
-自制
-好鲜味,就算净食都惹味
-本来想买1樽细的送比屋企人,不过无货,唯有迟d先啦

ii) 辣黑豆酱
-其实都唔喺好辣

iii) 辣椒酱
-呢个我就无试过喇

2) 热土茯苓健康饮品 (试饮)
-据称有美颜,排毒同去湿嘅功效
-味道唔难饮,亦唔会好浓土茯苓嘅味道

3) 凉伴珊瑚
-上次去心x第1次食珊瑚,但当时无close up影出嚟,今次就可以影出嚟比大家睇
-佢来货嘅颜色喺紫紫哋,初时我以为佢经后期腌过添
-伴以番茄同番石榴(好甜)
-呢道头盘要+埋少少好劲嘅wasabi豉油同食先精彩
-店员介绍wasabi豉油喺日本订番嚟,的确好攻鼻,只要放近鼻索1吓,包你通鼻塞

4) 荷塘伴月
-卖相超靓
-垫底嘅荷叶喺真嘅
-除咗冬瓜之外,仲有素肉,红枣,白果,莲子,杞子同夜香花
-冬瓜好清甜,肉腍
-而个高汤喺用咗胡椒,大豆芽,红枣,甘蔗,干草菇,红萝卜等材料整成

5) 相映成趣
-呢个喺当日唯1嘅炸物
-1个喺炸丝瓜球,1个喺素春卷
-丝瓜球只喺用上丝瓜皮+粉团,沾脆浆去炸,但出嚟效果味道普通
-而春卷就可以的
-炸物就伴以柠檬蜜糖汁/ 山楂杂果汁
-最后个大番茄,店员事后帮我哋切开+埋d醋再用小碗上

6) 真假难分
-1粒粒打圈嘅就喺用蒟蒻做,爽口兼微弹
-用上了惹味嘅自家黑豆酱同炒,红黄椒又甜
-用鸡肶菇舖成花瓣,整体卖相好靓
-好好味

7) 田园多宝羮
-因为+有芫茜,所以令我哋联想起芫茜皮蛋鱼片汤
-其他材料仲有金菇,鸡肶菇,竹笙等
-而个汤有d蓉嘅口感,原来由翠玉瓜打成的
-食紧斋都要谂起肉食,罪过罪过~~~~

8) 紫气东来
-呢个串烧迷你兄弟都几好味,喺紫菜包住腐皮,+以沙茶酱
-连埋柠檬片(连皮食),青瓜同红椒1齐食,会令味蕾带复杂嘅感觉

9) 金银玉翅
-用咗日本南瓜
-建议+埋醋汁(混有镇江醋)同食,会令人感觉似食紧大闸蟹
-底下嘅素似群就无咩特别

10) 秘制白玉
-店员介绍白萝卜今次用咗韩国货
-而素牛腩就喺牛蒡+蒟蒻做成的,质感始终不似真牛腩
-反而个萝卜好甜,无渣
-个汁就更好因有埋唐芹嘅味道

11) 情如手足
-初时睇名都估唔到喺咩嚟
-喺大家都好饱嘅时候,端来又米粉又炒饭,大家对眼都有点呆滞,hahaha
-但喺点都要每样试1啖
-炒粉也不错,无唛油

12) 情如手足
-先试炒饭,食友即刻话比我听喺隔夜饭,因为干身之余,但有点烟韧,味道当然无问题,只喺太饱啫

13) 果盘
-木瓜好甜

14) 鸳鸯美点
-深色喺土茯苓健康饮品整成糕点
-白色喺椰糕
-2者嘅质感偏向弹,所以似食紧啫喱咁

15) 淮山3宝露
-底用淮山打成蓉煲
-3宝即喺有西米,绿豆爽同薏米
-真的很少甜

* 因为有次同食友讲开搅斋局,就令我谂起呢间有口碑嘅地方..........估不到7月初打电话去..........要check到3个月后先有呢个期...........真喺难以置信..........另外就喺1食就要包下1整枱,坐10-12人啦.........都未谂掂够唔够人.........都照lock咗个期先喇..........幸好喺食友嘅帮忙下..........终于揾齐10人

* 店方嘅主厨amy同负责招呼嘅daisy都好好人...........因有部份食友要放咗工先嚟........已经book到最迟start,佢最后都等到我哋2点几齐人先上菜..........多谢晒...........daisy真的招呼周到,介绍+解释详尽.........无得顶呀~~~~

* 因为份量很大..........所以要打包好多盒嘢走

* 暂时爱美喺我食过最好味嘅斋...........真的希望可以再嚟..........不过听说出年会+价~~~~

* 今次打点得不够细心..........忘了事前问大家对菜单有咩要求/有咩唔食得.........所以交晒比店方揸主意........下次我会做得好d架啦~~~~多谢大家嘅参与

* 当日忘不了食友搅笑嘅迷网遭遇............真喺笑爆嘴~~~hahaha