庭軒一敍

营业中

休息中

今日下午我们去咗粉岭帝庭轩商场嘅「庭轩一敍」食下午茶！我们叫咗新鲜猪膶窝蛋汤乌冬嘅汤底味道都算几清甜，猪膶煮到过咗火，所以质感好硬质，而乌冬嘅面质就极之腍身！鲜牛肉汤乌冬拼火腿炒蛋牛油多士一开始落单𠮶阵我们话要转太阳蛋，但店员竟然话：「我们呢度煎唔到蛋，因无人识煎！」，仲要用啲比较差嘅语气态度嚟讲！吓！开得门做食店嘅，竟然煎唔到太阳蛋！真系令我们觉得超级失望呀！无太阳蛋我们唯有要炒蛋，出嚟效果都几好，炒得都几滑溜！鲜茄牛肉汤米粉初头以为系鲜茄浓汤，但嚟到嘅系将几嚿鲜茄放喺碗清汤米粉上面，汤底嘅味道系淡而无味，而牛肉嘅肉质亦都系比较硬实，而且肉味亦唔系好浓郁！