影片
更多
2021-05-10
2301 浏览
一间位于元朗嘅烤鱼工房， 几乎每一晚七点过后都要等位。叫得做烤鱼工房当然就系食烤鱼啦。大大盆嘅烤鱼非常有风味， 有辣有唔辣， 几乎系每一枱食客嘅必点选择。鱼嘅种类方面，姐姐就最推介呢一款啖啖肉而且唔多骨嘅《江团鱼》。呢款系淡水鱼，鱼骨少，肉厚，而且又无泥味。味道方面， 更加系非常地道， 各款香料由四川直送， 加埋师傅正宗嘅手艺， 唔洗返大陆都可以食到正宗川味。钟意食辣嘅朋友，可以选择麻辣，泡椒，川椒嘅口味。由于今次有朋友唔食辣， 所以亦都系我首次尝试唔辣嘅烤鱼， 估唔到一试难忘。今次叫咗外卖同屋企人慢慢叹， 外卖嘅包装相当整齐， 一啲都唔怕漏， 除咗一大盘酸菜鱼， 仲有埋两罐酒精以及铁架， 方便喺屋企加热嚟食， 就算系冇gas炉嘅话都冇有怕。餐具方面亦同样照顾周到， 食起来相当方便。讲返呢盘烤鱼， 今次选择嘅系《蒜香酸菜烤鱼》， 一打开个盖就香气四溢， 就连屋外嘅走廊都轻易闻到。江团鱼嘅肉质嫩滑甜美， 骨嘅位置好容易拣出嚟， 亦都冇细骨， 连小朋友多啱食。钟意lun骨嘅朋友就更加爱不释手， 鱼头部分嘅鱼骨非常之香口。汤底方便除咗有大量嘅蒜之外， 亦加入咗酸菜， 食喺呢啲酸甜甜， 非常之
叫得做烤鱼工房当然就系食烤鱼啦。
大大盆嘅烤鱼非常有风味， 有辣有唔辣， 几乎系每一枱食客嘅必点选择。
鱼嘅种类方面，姐姐就最推介呢一款啖啖肉而且唔多骨嘅《江团鱼》。
呢款系淡水鱼，鱼骨少，肉厚，而且又无泥味。
味道方面， 更加系非常地道， 各款香料由四川直送， 加埋师傅正宗嘅手艺， 唔洗返大陆都可以食到正宗川味。
钟意食辣嘅朋友，可以选择麻辣，泡椒，川椒嘅口味。
由于今次有朋友唔食辣， 所以亦都系我首次尝试唔辣嘅烤鱼， 估唔到一试难忘。
今次叫咗外卖同屋企人慢慢叹， 外卖嘅包装相当整齐， 一啲都唔怕漏， 除咗一大盘酸菜鱼， 仲有埋两罐酒精以及铁架， 方便喺屋企加热嚟食， 就算系冇gas炉嘅话都冇有怕。
餐具方面亦同样照顾周到， 食起来相当方便。
讲返呢盘烤鱼， 今次选择嘅系《蒜香酸菜烤鱼》， 一打开个盖就香气四溢， 就连屋外嘅走廊都轻易闻到。
江团鱼嘅肉质嫩滑甜美， 骨嘅位置好容易拣出嚟， 亦都冇细骨， 连小朋友多啱食。
钟意lun骨嘅朋友就更加爱不释手， 鱼头部分嘅鱼骨非常之香口。
汤底方便除咗有大量嘅蒜之外， 亦加入咗酸菜， 食喺呢啲酸甜甜， 非常之醒胃惹味。
而且仲可以随个人喜好加入各款火锅配料， 我就最钟意落娃娃菜，够索汁。
另外呢度嘅串烧亦相当不错， 烤豆皮里面亦加入咗蒜蓉， 钟意蒜嘅朋友一定爱不释手。
另外烤羊架风味十足， 加入咗孜然粉同其他香料， 用黎送啤酒最适合不过。
其余嘅烧牛舌炭，同烧猪颈肉亦相当不俗， 分量大而且入味。
呢一间烤鱼的质素相当之高， 难怪长期客满， 要食嘅朋友真系要早啲去呀。
张贴
