影片
更多
2021-08-26
78 浏览
今晚约咗朋友喺铜锣湾食饭，我哋一向都知L. Square幢大厦有好多餐厅，并拣咗间大家都冇食过嘅「The Musicbox Grill House & Bar」开餐😚。一上到去已经觉得餐厅几有气氛，虽然无DJ现场打碟，但全晚都播住歌，好Chill🎼。楼层面积唔大，座位唔算非常阔落，但都坐得舒服嘅，而且餐枱亦够摆放食物。店员服务到位，主动提供协助👍。如果冇订枱，Walk-in客要过咗八点半先有位，好高人气呢。草饲澳洲肉眼牛扒Grass Fed Beef Ribeye($248)，餐厅叫得Grill Room，我对佢嘅牛扒都几有期望。🥩牛扒以木砧板盛住，大大块，足十安士，块扒富有烧烤嘅香气，牛味都OK，边位带少少脂肪，肉质细嫩无筋，生熟度按照我哋要求嘅七成熟煮好。整体味道虽则无太大惊喜，但绝对足以令人满意。伴菜有烧薯粒、车厘茄同大蘑菇，我认为份量较少，佢哋好食，更觉得唔够喉🙈。滋味烤辣鸡BBQ Spicy Chicken($128/半只Half)，平日比较少嗌鸡食，因为有骨，但今日竟然破例系因为见隔离枱食得好滋味，而且最重要系有烧粟米🌽！原条粟米切开三件，粟米又甜又多汁，简单用盐调味已经好
今晚约咗朋友喺铜锣湾食饭，我哋一向都知L. Square幢大厦有好多餐厅，并拣咗间大家都冇食过嘅「The Musicbox Grill House & Bar」开餐😚。一上到去已经觉得餐厅几有气氛，虽然无DJ现场打碟，但全晚都播住歌，好Chill🎼。
楼层面积唔大，座位唔算非常阔落，但都坐得舒服嘅，而且餐枱亦够摆放食物。店员服务到位，主动提供协助👍。如果冇订枱，Walk-in客要过咗八点半先有位，好高人气呢。
草饲澳洲肉眼牛扒
$248
10 浏览
0 赞好
0 留言
草饲澳洲肉眼牛扒Grass Fed Beef Ribeye($248)，餐厅叫得Grill Room，我对佢嘅牛扒都几有期望。🥩牛扒以木砧板盛住，大大块，足十安士，块扒富有烧烤嘅香气，牛味都OK，边位带少少脂肪，肉质细嫩无筋，生熟度按照我哋要求嘅七成熟煮好。整体味道虽则无太大惊喜，但绝对足以令人满意。伴菜有烧薯粒、车厘茄同大蘑菇，我认为份量较少，佢哋好食，更觉得唔够喉🙈。
滋味烤辣鸡
$128
4 浏览
0 赞好
0 留言
滋味烤辣鸡BBQ Spicy Chicken($128/半只Half)，平日比较少嗌鸡食，因为有骨，但今日竟然破例系因为见隔离枱食得好滋味，而且最重要系有烧粟米🌽！原条粟米切开三件，粟米又甜又多汁，简单用盐调味已经好正。🍗烤鸡半只份量都多，唔系用春鸡仔，所以够厚肉。调味方面，烤鸡好有美式同墨西哥风情，皆因辣辣哋🌶，辣得嚟又唔咸，非常惹味，刺激味蕾。同时，烤鸡皮脆肉嫩，唔会干噌噌，高度推介！
芝士蕃茄意大利云吞
$118
13 浏览
0 赞好
0 留言
芝士蕃茄意大利云吞Cheese Ravioli with Tomato ($118)，呢道菜有两款酱汁拣，分别系黑松露忌廉同埋我哋拣选咗嘅芝士蕃茄，🍅蕃茄蓉微酸几开胃，感觉亦冇咁腻。Ravioli意大利云呑扁身，四四方方，似邮票嘅形状。佢由两块Pasta组成，中间夹住菠菜芝士蓉，食落好香口，外皮就富有弹性。🥟云吞大小适中，粗略估计应该有接近十五粒，好抵食。
新英伦周打蚬汤
$68
24 浏览
0 赞好
0 留言
Fresh Cucumber Ale
$68
9 浏览
0 赞好
0 留言
总括嚟讲，呢间音乐盒餐厅绝对令我哋喜出望外，本身都系谂住未食过先试吓，点知每样食物出到嚟都咁好食😋，搞到我成餐食咗三分二，哈哈。基本上我都冇乜嘢挑剔，但留意返，餐厅嘅出餐时间较长，要耐心等候啊。题外话，我用指定信用卡埋单，单点餐牌有折，不过订枱都好似有优惠。再唔系你亦都可以考虑佢嘅晚市套餐🍴。
张贴
