李家 (已搬遷) 新店位置

每日营营役役，平时多野做要OT，要凑老细都算，最呕血系同时间同事下属都要一齐凑埋。好彩约左朋友放工后饭聚，舒解下，否则人都颠。延续我地上次既酒肉聚会，我地又去食韩式炸鸡饮米酒～今次去李家，以前排成2粒钟先食到，而家就唔驶啦。朋友一早叫定芝士炸鸡，三式糯米肠同米酒，所以我到达时已经可以开餐啦。李家既米酒系用金色既水煲仔装住，用埋银色既碗仔饮，真系别有一番风味！虽然我都唔系饮过好多韩国米酒，但系我觉得李家既米酒系我饮过既最好饮，好易入口。芝士炸鸡放左两款芝士粉系鸡件上面，系咪觉得好漏呢？事实上本身d炸鸡有少少辣，所以配搭埋d芝士粉一d都唔会有漏既感觉，芝士系某程度上仲中和左d辣味，等你可以一件接一件咁食。美中不足系有某些部位比较干，唔够juicy。第一次食三色糯米肠，一款系好似包左酸菜，有一款就辣辣地，仲有一款外观劲似润肠。食味同口感都不俗，可以搭配生蒜片，辣椒同两种调味份，个人最钟意配生蒜，不过其实食完都唔知系包左d咩料。整体而言，食物水准中上，绝对会想下次再黎试其他野食！