影片
更多
2016-12-20
200 浏览
今日同K先生去咗上环楼上酒吧谈心，唔好以为楼上酒吧一定龙蛇混杂、 乌烟瘴气。反之，呢间位于世瑛大厦嘅《Moment Private Lounge & Kitchen 》 畀人一种高尚、轻松、私密嘅感觉。 由于《Moment》 系隔离西班牙私房菜《Sabor》嘅姊妹店， 喺品尝美酒之余， 亦可品尝到佳肴。先讲环境，一进便见到布满酒樽嘅Bar枱，bartender 忙于调制 cocktail。餐厅灯色昏暗，墙上嘅挂灯同埋烛光相辉映著，加上播放著柔和嘅音乐，令人好容易就投入放松嘅思绪。餐厅内亦有沙化座位，令疲倦嘅身躯都可以得到依靠。一坐低就叫咗《Moment》嘅招牌cocktail， 呢度 嘅cocktail好有特色， 每款嘅摆设都好靓， 靓到真系会唔舍得饮。 今日就试咗Special edition cocktail 系列之中嘅【Emerald】，Emerald 即系翡翠嘅意思， 饮品一上枱𠮶阵， 就好似月光宝盒一样发光发亮， 光芒就好似极光一样， 随时间转变颜色， 感觉相当迷幻。 味道方面， 一入口有阵阵蜜瓜香， 酒精味唔系好浓烈， 味道相当容易接受。第二款cocktail ，【Parf
先讲环境，一进便见到布满酒樽嘅Bar枱，bartender 忙于调制 cocktail。餐厅灯色昏暗，墙上嘅挂灯同埋烛光相辉映著，加上播放著柔和嘅音乐，令人好容易就投入放松嘅思绪。餐厅内亦有沙化座位，令疲倦嘅身躯都可以得到依靠。
一坐低就叫咗《Moment》嘅招牌cocktail， 呢度 嘅cocktail好有特色， 每款嘅摆设都好靓， 靓到真系会唔舍得饮。 今日就试咗Special edition cocktail 系列之中嘅【Emerald】，Emerald 即系翡翠嘅意思， 饮品一上枱𠮶阵， 就好似月光宝盒一样发光发亮， 光芒就好似极光一样， 随时间转变颜色， 感觉相当迷幻。 味道方面， 一入口有阵阵蜜瓜香， 酒精味唔系好浓烈， 味道相当容易接受。
第二款cocktail ，【Parfum de Femme】，呢款cocktail卖相非常之女性化， 鸡尾酒用香水樽送上， 隐若闻到阵阵花香， 卖相满分。 味道方面，酒精较为浓烈， 饮得出Gin嘅味道， 加埋少少柠檬汁， 酸味味，相当醒神。
先黎一个小食【 鸭肝酱配crackers】，呢道小食卖相有如甜品般精致， 肝酱味道浓郁， 配合埋黑醋酱汁， 可以减低肝酱𠮶份骚香，而crackers 非常脆口， 一口肝酱配一块crackers， 食落最佳享受。
另一佐酒小食【 脆炸鸡翼】， 鸡翼非常香脆， 舖上面包糠之后再炸至金黄，配埋自家制嘅腌萝卜丝， 中和那份油腻感， 配以啤酒一流。
西班牙小食【Garlic Shrimps 】, 呢一道蒜头虾，系隔离店铺Sabor嘅主打菜式， 蒜蓉虾用热辣辣衣钵仔盛好， 上枱时仲系好热辣辣， 未食已经闻到蒜香味十足， 虾肉爽口弹牙， 油浸蒜头脆卜卜， 非常之惹味。
主菜之一【炖牛尾】， 牛尾炆得非常之软， 牛味非常浓郁， 而且亦炆得非常入味，下面伴有香葱薯蓉， 口感细滑， 同牛尾相当匹配。
另一主菜【墨鱼汁墨鱼面】，呢道墨鱼面相当有特色， 皆因墨鱼面系由新鲜大墨鱼 一条一条咁砌出嚟， 完全无添加任何面粉， 食落除咗有墨鱼嘅弹牙口感之外， 亦有突出嘅墨鱼味。厨师嘅刀工可以将墨鱼切成面条， 可见其巧手。
最后系甜品 【西班牙炖蛋】， 炖蛋上面有脆卜卜嘅焦糖， 下面就系软滑嘅炖蛋，充满肉桂，柠檬香。
《Moment 》那份心思同对食物嘅坚持，令食客一试难忘。喜欢同朋友把酒谈欢嘅你一定唔可以错过。
张贴
