影片
更多
2015-02-27
30132 浏览
相真系影得唔多，去到先明白点解个个食评都只得一两张相。因为晚餐时段真系好有情调，有点暗，影相有点难度，加上太饿，所以唔会有心机影相哈哈。所以今次系破例无食物照，只系有晓晴拎左既食物相~为左庆祝情人节同友人生日，要令大家都开心既只有自助餐既姐~因为基于友人净系钟意食热盘、钟意有情调兼浪漫既环境，钟意上等既服务，钟意睇夜景，钟意慢拍子，谂过度过之后决定黎半岛食自助餐。有谂过差不多价钱不如去洲际，但洲际系分时段，每个时段两个半钟，晓晴食过茶园既自助餐，两个钟系真系chur，因为晓晴食得好慢。而大部分自助餐既热盘都好难食，或无乜特别，而我同佢都唔食海鲜生蚝个D既，所以最后为了靓同浪漫同埋可以食足4个钟头，晓晴偷偷决定Book半岛。非常夸张的说，晓晴已经系提早一个月前Book，网上系统显示FULL晒，唔信邪就打电话Book，想Book 14号已经系无晒位，心谂，究竟D人系提早几多Book正日？我呢加使唔使Book定下年情人节？所以退而求其次，要了13号晚。客服态度极不客气，话想要Window Sit，佢竟话：「唔保证有架㖞小姐」，我知！我讲定姐，你可以话「到时安排啊~睇情况而定啊~」都唔使咁恶呱
因为晚餐时段真系好有情调，有点暗，影相有点难度，加上太饿，所以唔会有心机影相哈哈。
所以今次系破例无食物照，只系有晓晴拎左既食物相~
为左庆祝情人节同友人生日，要令大家都开心既只有自助餐既姐~
因为基于友人净系钟意食热盘、钟意有情调兼浪漫既环境，钟意上等既服务，钟意睇夜景，钟意慢拍子，
谂过度过之后决定黎半岛食自助餐。有谂过差不多价钱不如去洲际，但洲际系分时段，每个时段两个半钟，晓晴食过茶园既自助餐，两个钟系真系chur，因为晓晴食得好慢。而大部分自助餐既热盘都好难食，或无乜特别，而我同佢都唔食海鲜生蚝个D既，所以最后为了靓同浪漫同埋可以食足4个钟头，晓晴偷偷决定Book半岛。
非常夸张的说，晓晴已经系提早一个月前Book，网上系统显示FULL晒，唔信邪就打电话Book，想Book 14号已经系无晒位，心谂，究竟D人系提早几多Book正日？我呢加使唔使Book定下年情人节？所以退而求其次，要了13号晚。客服态度极不客气，话想要Window Sit，佢竟话：「唔保证有架㖞小姐」，我知！我讲定姐，你可以话「到时安排啊~睇情况而定啊~」都唔使咁恶呱，再讲多句：「讲明先，当晚无生蚝架㖞」其实即使我系唔care生蚝，你咁讲野都有问题啦，算，唔同你计，Book到就算数啦。我留生日牌啦，佢本来话会留一件Chocolate Mocuss Cake俾我，点知当日只系俾个牌我，明明个个都有小SildeCake，好过份，其实传统酒店系咪应该服务好返少少会好D呢？
当日系我知道一定会迟到既情况下，晓晴打去客服delay booking，都好顺利延到半个钟，其实我就建议大家准时6点到既，因为D大陆人系around 7点到，D细路仔系周围跑，野食又会整到乱晒，所以准时到又可以食尽佢，又可以hea，会好D。
都好安全咁六点半到，由专人带位入座，原来Window Sit唔多，好可惜我地坐唔到可以望到维港既个边，而系另一边睇太空馆既个边，我谂都系book位时讲到明会好d，好在友人都好开心有景睇，都抵返晒啦哈哈~入座后每台有一个侍应服侍，当晚服侍我地既个位哥哥好好，帮我地影相，安排放袋个D啦，会静鸡鸡同我商量上生日安排既野啦，非常细心。而且好识得影相，有求必应，Well，咁既服务先衬得返既咁既价钱架嘛~ 然后食前都会送一个小食，当晚系芝麻酱龙虾脆筒，超级好食，龙虾新鲜，配上芝麻酱，完全唔会漏，真系好好食，令我地都好期待个自助餐。
系既，个自助餐系比我想像中更加少野食既，但熟食系占50%，甜品生果25%，冷盘寿司占25%，咁都岩我当初拣既原则既，友人都系食得好开心。汤同热盘全部真材实料，啖啖新鲜又够热，又煮得岩岩好。友人大赞咖喱牛极入味，手切牛火喉够，西汤忌廉够浓，所有热盘都完全系无得输既！可惜无羊食，又无煎鹅肝......
晓晴集中系甜品、面包同冷盘。半岛既牛油系极级好食，佢会预先放一块系你台，食完可以叫哥哥添既，晓晴就添左两次啦！！！
面包：得三款，食左六七个，五谷麦包既麦味系由口腔传上鼻腔出，极级好食！香草包香而不腻，法包就外脆内软啦，配上自家制忌廉牛油系无得输，可惜面包无得翻热，唔系就正到喊！沙律：沙律菜两款，新鲜香甜；番茄仔睇色水就知系本地货，好食既，但选择真系少。
寿司：火炙左口鱼系唔可以错过的，入口即融，非常好食！而卷物同其他寿司都好好食，可惜都系一早整定，而刺身都系切好晒放系度，有D唔合卫生，食左四片三文鱼，又唔系其他食友讲到咁难食，系无预期中咁鲜味姐，好食既，肥瘦平均，做到水准既！
冷盘：鹅肝面包一定要食，香甘而不油腻，齿𣍰留香既感觉真系得半岛好食，仲有鲍鱼仔，唔食冷盘既友人都食左三个，好好食！
甜品：相中见既系咁多啦，晓晴习惯系每款都拎一件，唔理咩黎都拎返黎试晒先，可想而知甜品既数量系真心少，而且四个钟系唔会换款，老实讲，对于甜品控既晓晴黎讲系真系唔够，完全系少！！以甜品出名既半岛竟然少甜品系真系失望！但系甜品又唔系想像咁好食，全部都偏甜，除左五款macaron水准一流不死甜又好食，其他都甜到不得了，特别系朱古力系列既甜品全部都好甜，朱古力成分好弱；Cheese Cake够滑够浓但甜腻左少少；焗肉桂芒果蛋糕系好好食，最好食系佢啦！Tart类都好食，我谂半岛系焗点既甜品会好食，冻饼类既都系非常普通。雪糕全部自家制既，真材实料但太甜，当中最好食既都系椰子雪巴，啖啖纯椰子既感觉非常好，但系要自己「毕」，但雪糕勺好黏，好污糟，后来食仲沟晒味，真系几核突......Cupcake蛋糕底唔滑会卡喉，个Cream暖既无味既；一杯杯既慕丝都系甜既，芒果味唔出，奶味唔够浓，每款试过之后都无再添过啦。老实讲，如果要食甜品既话，去Mr.Steak个自助餐啦，每半个钟转一次款，仲要款款都咁好食，都只系二百蚊个人，半岛真系要检讨下啦~但系~平均黎讲系好食既，BUT I Expected MORE MORE MORE AND MOREEEE！
送既芒果Soffle甜到呕呕呕呕呕呕，食左两啖就放弃左，对唔住~成餐饭选择唔多，但质素系一流既，本就已经一早知回唔到，但我同友人都食到饱到呕，已经够啦~食到咁高质素既食物，我觉得已经回晒本！最紧要系食果个开心，个个都开心嘛~对于第一次入半岛既晓晴黎讲真系唔错架~友人话如果有钱，下年再黎过~因为个feel真系好浪漫，而且可以由6点坐到11点既感觉真系一级的好~服务又无得弹，抵晒啦~~~~~~~~ 笑是俾面包、服务同环境的~~~~
张贴
