長發麵家 (已搬遷) 新店位置

长发既鱼旦唔系一般机造出黎一饼饼方形𠮶啲, 系一粒粒圆形既, 弹牙有鱼味, 令人成日心思思想黎食碗, 有时我会买半磅返屋企煮面食, 真系好好味, 我见有啲食客一碗唔够喉会另外再叫碗净鱼旦黎食。另外呢度既豉油捞面都好出名好好味, 落左猪油落去捞, 超香超好味, 不过我今次一个人食唔哂所以无叫到。食唔到多个面都挂住𠮶阵猪油味, 所以都叫左个韮菜花食, 都有落到猪油上面, 韮菜花超嫩超甜, 一啲渣都无, 我眼见个个都会叫。环境就一般大排档feel, 但我反而钟意呢种地道既感觉。啲伙计好友善, 有时会同你倾几句添, 有时食野就系想食到呢种人情味吧。