影片
更多
2019-06-08
37 浏览
Anniversary嘅celebration，点都要揾返间浪漫而独特嘅餐厅，食次我地拣左一间位于铜锣湾，望到海景嘅餐厅。每人叫左一个set dinner，首先上嘅appetiser系cheese & ham嘅配搭，配以餐包，两种味道嘅餐包一甜一咸，胃口大开。爱食海鲜嘅我地当然要试试Pan-seared Hokkaido Scallop with Sweet Corn Puree & Lettuce。北海道嘅带子真系无得输，又大又鲜甜，菜式仲有honey foam，味道balanced，整体清新而不平淡。另一海鲜Roasted Botan Ebi with Salmon Roe & Seaweed。牡丹虾大只爽甜，配上三文鱼籽同脆海苔，丰富嘅大海味道。值得一提系附上嘅柠檬盐，味道特别！伴以edible flowers嘅Uji Matcha Pork Bone Broths with Seafood。餐厅会喺你面前倒汤，确保够热。宇治绿茶同猪骨煮成嘅汤真系第一次试，整体感觉猪骨味道十分浓郁，海鲜亦新鲜美味，高水准之作。Daily Catch Grouper亦系另一款海鲜，煎鱼同炸虾配以杂
Anniversary嘅celebration，点都要揾返间浪漫而独特嘅餐厅，食次我地拣左一间位于铜锣湾，望到海景嘅餐厅。
每人叫左一个set dinner，首先上嘅appetiser系cheese & ham嘅配搭，配以餐包，两种味道嘅餐包一甜一咸，胃口大开。
爱食海鲜嘅我地当然要试试Pan-seared Hokkaido Scallop with Sweet Corn Puree & Lettuce。北海道嘅带子真系无得输，又大又鲜甜，菜式仲有honey foam，味道balanced，整体清新而不平淡。
另一海鲜Roasted Botan Ebi with Salmon Roe & Seaweed。牡丹虾大只爽甜，配上三文鱼籽同脆海苔，丰富嘅大海味道。值得一提系附上嘅柠檬盐，味道特别！
伴以edible flowers嘅Uji Matcha Pork Bone Broths with Seafood。餐厅会喺你面前倒汤，确保够热。宇治绿茶同猪骨煮成嘅汤真系第一次试，整体感觉猪骨味道十分浓郁，海鲜亦新鲜美味，高水准之作。
Daily Catch Grouper亦系另一款海鲜，煎鱼同炸虾配以杂菌。酱汁浓郁，鲜味十足，相对，煎鱼味道比较清淡。
主菜时间，第一款系Pan-seared Prime U.S.D.A Sirloin Steak。Sirloin Steak pan-seared过后再用苹果木烧，香味俱全，味道亦有所不同，颜色粉嫩。
另一款系Pan-seared Slow Cooked Iberico Pork Loin。肉比较实，酱汁香浓，份量刚好。
最后嘅甜品Notte Tiramisu，香滑浓郁，爱酒人士必试！
埋单嘅时候发现原来餐厅有做event/gathering/cocktail party嘅service，包场嘅话价钱都几抵。食物质素高，服务态度好，大赞！
张贴
