影片
更多
2021-10-21
137 浏览
屋企人突然想食大闸蟹放题，即刻上网揾，见到呢间餐厅有好多好评所以决定试下，所以屋企人就即刻打电话book位。接电话个小姐态度就唔系咁好，所以去到后面我叫屋企人问系咪好似网页写咁，4人会有象拔蚌刺身送，屋企人都唔愿意再打电话，我就唯有WHATSAPP去问餐厅。一路都期待呢餐放题，去到两日前见到OPENRICE有一个负评关于大闸蟹放题，话员工态度唔好，但因为一早book左，而且好评又多，决定都系去试下。到左餐厅后，带位既职员已经语气唔太好。每一台基本上都系食蟹，我地坐低之后都马上叫蟹黎食。Order纸上面都有写明每人每次最多只可以点两只，屋企人见食到差唔多，又见order纸上面写每次要预时间，因为即叫即蒸，所以台上仲有蟹既时候都写定纸先，始终佢系限时放题，价钱亦唔系平，当然希望食得饱同够。但佢既蟹十分钟都唔洗就上左啦，所以当职员见到台上仲有蟹，就好大声亦好唔客气咁话「下次食完先再点啦」。明白职员唔想浪费，之后我地每一单都跟足规矩，台上无蟹先递order纸。到食到咁上下时间，职员又逐台逐台咁讲「食埋D蟹脚啦，唔好浪费阿。你地个个都净系蟹膏既话，我地点做生意阿」。明白你地唔想浪费食物，所以你净
一路都期待呢餐放题，去到两日前见到OPENRICE有一个负评关于大闸蟹放题，话员工态度唔好，但因为一早book左，而且好评又多，决定都系去试下。
到左餐厅后，带位既职员已经语气唔太好。每一台基本上都系食蟹，我地坐低之后都马上叫蟹黎食。Order纸上面都有写明每人每次最多只可以点两只，屋企人见食到差唔多，又见order纸上面写每次要预时间，因为即叫即蒸，所以台上仲有蟹既时候都写定纸先，始终佢系限时放题，价钱亦唔系平，当然希望食得饱同够。
但佢既蟹十分钟都唔洗就上左啦，所以当职员见到台上仲有蟹，就好大声亦好唔客气咁话「下次食完先再点啦」。明白职员唔想浪费，之后我地每一单都跟足规矩，台上无蟹先递order纸。到食到咁上下时间，职员又逐台逐台咁讲「食埋D蟹脚啦，唔好浪费阿。你地个个都净系蟹膏既话，我地点做生意阿」。
明白你地唔想浪费食物，所以你净系讲前面果句既话，我都表示明白。
但恕我抱歉讲，如果你地咁计较做唔做到生意，生意围唔围到本，建议你地就唔好做放题生意啦，仲要比说话客人听。你如果无咁既预算，做咩要做放题？去食放题就系希望唔洗就住就住，食大闸蟹都系为左食蟹膏，其实系咪客人一定要食得少过你预计既份量，先适合去你铺头？仲要你个价钱唔系特别平，$547一个人，仲贵过我去酒店食buffet😊 另外本来话4人会送果个象拔蚌刺身，都系我地追问之后，系我地截单前小小时间先拎上台比我地。
开左呢个account咁耐，一直都无谂住写食评，估唔到第一个食评就系为左写负评而写，建议大家如果唔想食到背脊骨落，就考虑清楚要唔要去呢度食放题啦😊
张贴
