YAKINIKU GREAT SOHO

营业中

休息中

今晚嚟到中环区嘅高质烧肉店，试下新嘢，呢度嘅价位定价绝对唔平，不过呢一间餐厅供应嘅日式和牛美食质素相当之高，绝对对得起呢一个价位。呢间日式烧肉餐厅，会有专人为你烧和牛，完全唔洗担心自己嘅烧肉功力有几甘差，亦都唔洗怕白白浪费咗件咁靓嘅和牛嫩肉。餐厅分别有三款唔同嘅套餐，我哋就order咗一个中间价位$980位嘅套餐。呢个中间价位嘅套餐会畀最贵𠮶个套餐少咗五个前菜小食，但系都唔紧要，因为呢个套餐入面已经包含咗和牛里面最靓嘅肉。我哋另外仲order咗沙律菜，非常鲜嫩甜美。烧肉嘅部位油脂分布得非常平均，入口juicy之余，仲带有浓厚嘅牛肉味，而且有入口半溶嘅感觉，非常软滑。餐厅还供应泡沫酱油，绝对系艺术之作。烤日本番薯，味道带有清甜嘅感觉。就连牛肉汉堡都非常juicy，同埋烤完之后带有一份惹味感。海胆非常新鲜鲜甜，配埋牛柳粒饭，美味好食。整体来讲，餐厅供应嘅和牛质素非常之高，食得非常满意。