麻辣Doi (已結業)

今日屋企附近又开咗间新嘅舖头叫做麻辣DOI 身为辣妹子嘅我就梗系即刻约埋朋友去试下啦 晚餐时间嚟到人唔太多 餐厅主要系食烤鱼 香锅等等 餐厅有好多卡位 坐得够晒舒服而且卫生情况唔错叫咗一份成都麻辣烤鱼 另外加钱可以有配菜 我哋就拣咗肥牛同埋莴笋 烤鱼用咗海鲈鱼去做 本身已经炸到外脆内软 鱼肉十分嫩滑 索埋麻辣汁一齐食 真系令人又爱又恨 香味十足 又够晒惹味 肥牛肥瘦适中 牛味浓郁 分量都几多 莴笋 煮得够爽脆 又可以解辣 系烤鱼煲嘅清泉呀同时入面已经有莲藕 芽菜等等嘅配料 莲藕十分爽脆 另外仲加多咗个薯粉 本身已经煮熟咗 非常烟韧同时索晒汤汁 超正