影片
更多
6天前
78 浏览
铜锣湾嘅Cafe好多，不过有质素又抵食嘅其实唔多，今晚去嘅Undici，就真系几抵食。抵食在于，普通意粉120几起，可以+$66，有埋黑松露汤、自选饮品(靓靓咖啡都得)同蛋糕甜品，呢个组合其实真系几唔错。另外可以再+$28任食蛋糕，有六种味道嘅蛋糕任食实在太夸张。不过今日喉咙痛，就食住跟餐𠮶件先。芝士秘捞薯条 $58其实佢份量一啲都唔少，但由于嚟到𠮶阵我哋肚饿，兼且好好食，又热又脆，加上少少辣味，一阵就俾我哋秒杀咗。脆炸无激素鸡翼配香辣蛋黄酱 $58平平无奇嘅5只炸鸡翼，就因为落咗呢个香辣蛋黄酱，变到非常立体。呢个香辣蛋黄酱，有少少辣香，同热辣辣新鲜炸起嘅鸡翼，加埋真系相当不平凡。蒜香辣椒蚬肉意大利粉配软壳蟹 $138外型有一大只软壳蟹，但其实呢个意粉嘅核心系蒜香同辣椒嘅意大利粉。首先佢嘅意粉相当干身，唔会有一浸油喺底。佢嘅蒜香同辣椒味道好出，当然食物会有少少辣味，加上蚬肉同软壳蟹，惹味非常。每叫一个意粉，就可以跟餐+$66，有埋以下:黑松露野菌汤好明显食到黑松露油香，相当唔错抹茶豆腐拿铁 (或其他非花茶饮品) 好似饮咗豆腐花嘅抹茶拿铁，非常好饮，唔会太甜，但同时有甜品嘅影子。不过我最
抵食在于，普通意粉120几起，可以+$66，有埋黑松露汤、自选饮品(靓靓咖啡都得)同蛋糕甜品，呢个组合其实真系几唔错。
另外可以再+$28任食蛋糕，有六种味道嘅蛋糕任食实在太夸张。不过今日喉咙痛，就食住跟餐𠮶件先。
芝士秘捞薯条 $58
其实佢份量一啲都唔少，但由于嚟到𠮶阵我哋肚饿，兼且好好食，又热又脆，加上少少辣味，一阵就俾我哋秒杀咗。
脆炸无激素鸡翼配香辣蛋黄酱 $58
平平无奇嘅5只炸鸡翼，就因为落咗呢个香辣蛋黄酱，变到非常立体。呢个香辣蛋黄酱，有少少辣香，同热辣辣新鲜炸起嘅鸡翼，加埋真系相当不平凡。
蒜香辣椒蚬肉意大利粉配软壳蟹 $138
外型有一大只软壳蟹，但其实呢个意粉嘅核心系蒜香同辣椒嘅意大利粉。首先佢嘅意粉相当干身，唔会有一浸油喺底。佢嘅蒜香同辣椒味道好出，当然食物会有少少辣味，加上蚬肉同软壳蟹，惹味非常。
每叫一个意粉，就可以跟餐+$66，有埋以下:
黑松露野菌汤
好明显食到黑松露油香，相当唔错
抹茶豆腐拿铁 (或其他非花茶饮品)
好似饮咗豆腐花嘅抹茶拿铁，非常好饮，唔会太甜，但同时有甜品嘅影子。不过我最欣赏佢系可以拣晒所有特色咖啡，在场所见Oreo亦非常靓仔，下次可以试吓。
精选甜品 - 就系喺六件蛋糕之中拣一件，我比较欣赏佢唔系指定，而系有得拣，喺跟餐嚟讲算不常见
朱爷咖啡 $42
另外，我哋叫多一个，表面上系饮品，实际上可以充当买甜品嘅朱爷咖啡。呢个朱爷咖啡就系朱古力同椰子雪糕，在淋上热热嘅咖啡，实际上就好似affogato咁，将雪糕同咖啡嘅味道完美融合。
靓嘢食、靓嘢饮、特色甜品兼有放题选择，当时今日嘅Cafe，实在唔简单，难怪都有唔少食客慕名而来。
张贴
