影片
更多
2021-07-21
333 浏览
餐厅位于湾仔地铁站对面嘅太和街中间，装潢格调高雅，以黑色作为主调，配合柔和嘅灯光，感觉神秘，个 Chill 嘅程度拍得住一间高档嘅酒吧又或者系西餐 fine dine，完全唔似食紧川菜，喺咁 chill 嘅环境之下食川菜都系第一次。前菜四款，分别有腌菜、云耳、枝豆同埋花生，个腌菜系有少少似用荞头嘅腌法嚟到腌黄牙白，中式嘅腌味落喺韩式嘅 kimchi 上面，风味独特；枝豆配以花椒油，令人耳目一新；花生系类似鱼皮花生一类，香脆可口。蟹肉醋椒胡辣羹，店长细心介绍胡辣羹系用咗柬埔寨贡布胡椒，贡布胡椒嘅香味果然特别突出，达到霸气嘅程度，蟹肉嘅鲜甜再加上汤羹嘅微酸，令人非常开胃。胡椒饼，胡椒饼相当的骰，上枱嘅时候依然相当辣口，店长推介我哋将个胡椒饼同埋个胡辣羹间住间住咁食，胡椒饼嘅椒味同胡辣羹嘅椒味相辅相成，果然别有一番风味。蒜泥白肉，特别钟意川流嘅蒜泥白肉无其他餐厅𠮶啲咁多肥肉，食完个罪疚感都无咁重，黑酱油比起坊间嘅甜度更高，加埋面头蒜泥嘅香味被底下嘅凉皮索尽，我非常钟意呢一道。小笼包，川流嘅小笼包食法好特别，啲醋系放落一个唧筒入面俾你插入个小笼包唧入去而唔系用点嘅， 酸醋混和著小笼包嘅汤汁，喺
餐厅位于湾仔地铁站对面嘅太和街中间，装潢格调高雅，以黑色作为主调，配合柔和嘅灯光，感觉神秘，个 Chill 嘅程度拍得住一间高档嘅酒吧又或者系西餐 fine dine，完全唔似食紧川菜，喺咁 chill 嘅环境之下食川菜都系第一次。
前菜四款，分别有腌菜、云耳、枝豆同埋花生，个腌菜系有少少似用荞头嘅腌法嚟到腌黄牙白，中式嘅腌味落喺韩式嘅 kimchi 上面，风味独特；枝豆配以花椒油，令人耳目一新；花生系类似鱼皮花生一类，香脆可口。
蟹肉醋椒胡辣羹，店长细心介绍胡辣羹系用咗柬埔寨贡布胡椒，贡布胡椒嘅香味果然特别突出，达到霸气嘅程度，蟹肉嘅鲜甜再加上汤羹嘅微酸，令人非常开胃。
胡椒饼，胡椒饼相当的骰，上枱嘅时候依然相当辣口，店长推介我哋将个胡椒饼同埋个胡辣羹间住间住咁食，胡椒饼嘅椒味同胡辣羹嘅椒味相辅相成，果然别有一番风味。
蒜泥白肉，特别钟意川流嘅蒜泥白肉无其他餐厅𠮶啲咁多肥肉，食完个罪疚感都无咁重，黑酱油比起坊间嘅甜度更高，加埋面头蒜泥嘅香味被底下嘅凉皮索尽，我非常钟意呢一道。
小笼包，川流嘅小笼包食法好特别，啲醋系放落一个唧筒入面俾你插入个小笼包唧入去而唔系用点嘅， 酸醋混和著小笼包嘅汤汁，喺口腔入面一齐爆出嚟𠮶只感觉真系特别爽皮。
口水鸡，口水鸡上面布满香葱、芫荽、花生、辣椒、豆豉同埋蒜蓉，酱汁非常惹味，鸡肉嫩滑，系一个非常出色嘅冷盘。
33香辣鸡锅，香辣鸡锅有一阵非常特别嘅香料味道，除咗鸡之外个煲入面仲有茄子同埋餐厅自家制嘅蒟蒻，店长特别向啫辣嘅我哋推介咗可以加呢一只云南涮椒粉，呢只涮涮辣产于德宏、保山等地区，辣度系史高维尔指数四十几万，被视为已被报道嘅中国辣椒中辣度最高的品种，食得十几万嘅我对呢只涮椒粉严阵以待，只系敢轻轻点一小个角仔，经以辣得相当过瘾，呢只涮椒粉嘅辣系有啲滞后嘅，太约食完好几秒先至会辣出嚟，但系辣感好快就会转趋缓和，系好玩嘅。
怪味大粬朱古力意式雪糕，大粬又称大曲酒，系中国烧酒嘅一种，著名嘅大曲酒品牌有汾酒、五粮液同茅台酒等，唔怪得入口有咁香嘅五粮液味，大曲酒同朱古力嘅味道好夹，再加上微微嘅辣劲，比起传统配冧酒更有层次，而且更有新鲜感。
张贴
