影片
更多
2015-12-31
444 浏览
我住喺大角嘴，某日一家四口落街揾食，行过大同新邨见到呢间嘢试业，于是胆粗粗贡入去试吓新嘢。（原来佢哋24/12号先正式开张，而我哋就早咗两日去帮衬佢个晚餐）以下系𠮶晚晚餐嘅内容：窝蛋牛肉煲仔饭牛肉好香嫩，美中不足系只蛋熟咗少少，应该系上台时先至打只蛋落去，咁先至做到「金镶银」（蛋黄蛋白包住每粒热饭）嘅效果，依家咁只能当熟蛋咁捞饭。 豉汁白鳝煲仔饭鳝肉食落口感好鲜，唔似雪藏或隔夜货。唔错！ 腊肠排骨煲仔饭又一唔错嘅煲仔饭。请留意！最重要系佢哋伴煲仔饭嚟嘅豉油，乃自家调制，绝对系点精之作，不能不试！ 功夫汤海南鸡饭套餐净系睇阵容就知有诚意。其实佢嘅「功夫」系指个汤，或者有人觉得用个功夫茶壶嚟装汤，仲要用功夫茶杯一口一口咁饮，会唔会过份姿整？但我就十分钟意！一来佢的确可以令汤有保温作用，二来佢个汤嘅内容唔系讲笑，非一般例水之流，值得用杯仔慢慢㗳其滋味。----------同场加映：过咗两日开张去食个午餐。焗猪扒饭 我不嬲对茶记嘅焗猪好抗拒，不过睇匀𠮶日啲午餐冇乜对到口胃，就即管试试佢个焗猪...... 哈竟然出奇地唔错㖞！芝士同茄汁配得够香，用上几好味嘅吉列猪扒，唔系咬唔郁嘅
以下系𠮶晚晚餐嘅内容：
窝蛋牛肉煲仔饭
$55
49 浏览
0 赞好
0 留言
牛肉好香嫩，美中不足系只蛋熟咗少少，应该系上台时先至打只蛋落去，咁先至做到「金镶银」（蛋黄蛋白包住每粒热饭）嘅效果，依家咁只能当熟蛋咁捞饭。
豉汁白鳝煲仔饭
$72
214 浏览
0 赞好
0 留言
豉汁白鳝煲仔饭
鳝肉食落口感好鲜，唔似雪藏或隔夜货。唔错！
腊肠排骨煲仔饭
$55
117 浏览
0 赞好
0 留言
腊肠排骨煲仔饭
又一唔错嘅煲仔饭。
请留意！最重要系佢哋伴煲仔饭嚟嘅豉油，乃自家调制，绝对系点精之作，不能不试！
功夫汤海南鸡饭
$60
111 浏览
0 赞好
0 留言
功夫汤海南鸡饭套餐
净系睇阵容就知有诚意。
其实佢嘅「功夫」系指个汤，或者有人觉得用个功夫茶壶嚟装汤，仲要用功夫茶杯一口一口咁饮，会唔会过份姿整？但我就十分钟意！一来佢的确可以令汤有保温作用，二来佢个汤嘅内容唔系讲笑，非一般例水之流，值得用杯仔慢慢㗳其滋味。
----------
同场加映：过咗两日开张去食个午餐。
焗猪扒饭
92 浏览
1 赞好
0 留言
我不嬲对茶记嘅焗猪好抗拒，不过睇匀𠮶日啲午餐冇乜对到口胃，就即管试试佢个焗猪......
哈竟然出奇地唔错㖞！
芝士同茄汁配得够香，用上几好味嘅吉列猪扒，唔系咬唔郁嘅柴皮猪，再加分，只系个人嚟讲就嫌个饭干身咗啲。
但整体我觉得系有惊喜嘅，推荐！
---------
服务嚟讲，个主管俾人感觉好紧张，好崩紧，可能系老板都唔定，某啲员工或者系新做，有啲虾碌，不过总括都唔差，而且又唔需要对佢哋有太高要求，都系茶餐厅嚟嗟。
最后想讲，喺大角嘴开茶记，仲要喺条人流唔多嘅街里面开档，要发围真系唔容易，不过呢间嘢啲出品睇得出系几有诚意，对于一间茶餐厅嚟讲，啲食物竟然可以令人喜出望外，都算系大角嘴之福，所以我特地将佢哋提交嚟「开饭」分享俾大家，更第一个帮佢哋写食评，希望佢哋可以保持甚至再提高到个质素，继续为区内区外添口福就好嘞！
张贴
