東歐餐廳

呢间餐厅应该都好多人食过，主打乌克兰菜，咁岩朋友生日，就稳间特别嘅餐厅同佢庆祝下。开头好惊啲野食可能未必岩食，点知原来乌克兰菜可以系咁好食。因为呢间餐厅实在太受欢迎，如果想食一定要book位，同埋呢到部分嘅侍应系识讲广东话，唔洗担心沟通问题。1.传统乌克兰罗宋汤乌克兰嘅罗宋汤有别于平时西餐饮开嘅罗宋汤，佢嘅味道偏酸，可能因为佢有落酸忌廉，都几开胃；佢嘅配料都好多，每一啖都食到红葱头同蔬菜。2.招牌芝士焗牛脷一开头见到劲细盅，开头觉得有啲唔抵，点知原来入面有劲多旧牛脷，仲要每一旧都好稔，芝士忌廉酱汁再配埋附送嘅酥皮，味道都好夹。3.传统蘑菇薯仔饺子比起平时食开嘅饺子，乌克兰嘅饺子比较厚皮，入面嘅配料主要系薯仔蓉同切碎咗嘅蘑菇，仲要只只饺子都好大只，食一只其实都几饱肚。4.驰名基辅烤鸡扒如果要用形容词形容呢餐，我会话好热气；呢碟菜嘅主角系一旧圆碌碌嘅烤鸡扒，一切开卷住鸡扒嘅牛油流哂出黎，充满牛油香嘅鸡扒肉质比想像中嫩滑，外层炸到劲香脆；而佢嘅配料系自家整薯片，比较硬身同埋咸。5.乌克兰风味蜂蜜蛋糕蜂蜜蛋糕嘅口感好似一件有蜂蜜味嘅木槺蛋糕，每一啖都食到好浓烈嘅蜂蜜味，食完又唔怕好腻。