悠蔬食 (渣甸中心) (已結業)

今日黎到铜锣湾，品尝到一次令人惊喜嘅素食。我地叫左一份set dinner同埋散叫左几道菜。首先讲讲晚餐。前菜嘅木耳非常爽口好食，微微酸味十分开胃。中间嘅系由薯泥打成嘅沙津，软滑可口，非常吸引。仲有啲蔬果带动味蕾，食完头盘已经十常开胃！炖汤方面非常足料，黄耳、猴头菇等等嘅汤料好多。炖出黎嘅菇味香浓，够哂滋润！手卷系跟set嘅我地拣左牛油果手卷，整体感觉好清新宜人。食过开胃头盘同饮完汤后，依个手卷刚好令口腔比较重嘅味噌除去，准备迎接主菜。小食方面，依个腐皮卷整成鸡搥嘅形状，非常精致。外层香脆，内层嫩滑，就好似新鲜出炉嘅炸鸡咁。调味适中，沾少少辣酱作为点缀，就咁食亦都非常可口。留意返，入面系有一条木棒架，唔好大大力咬落去。炆伊面系令人喜出望外嘅，唔同菇菌嘅精华汇聚系伊面中，而且菇菌份量多，啖啖菇，香味浓郁，令人一试难忘。芦笋烩饭相对冇伊面浓郁。但菇菌同芦笋嘅配搭清新宜人。整体都十分之出色小食方面有盐酥灵芝菇。炸得非常酥脆而唔油腻，配上伴菜，整体香口而清新。灵芝菇菌味出众，非常好食。最后以一份柠檬乳酪蛋糕作结，口感香滑，清新宜人。依到所有食物质素都比想像中好，推荐大家黎一试！