名人私房菜 (已搬遷) 新店位置

一大班人去食饭，最好就系食私房菜，有朋友介绍话呢道用料新鲜，咁当然值得一试。老细话先食糯米鸡，我就觉得奇怪，糯米鸡有乜咁特别，要黎到食私房菜，心里有点不悦。点知上左菜，系名副其实既一只鸡，呢只鸡系用荷叶黎煮，所以鸡肉有好清香荷叶味道。切开只鸡原来真系糯米饭，糯米除左有荷叶香之外仲有鸡肉既鲜味，第一道菜已经有惊喜。黑椒金不换炒虾呢一道菜非常之有星马风味，好香嘅黑椒味， 金不换叶，完全渗透哂虾入面，黑椒味更加提升左虾嘅鲜味，互相辉影，呢一道菜非常之得！仲有系蒜蓉蒸贵妃蚌，蒸既时间刚刚好，所以贵妃蚌既质地够滑溜，一吮就sir入喉咙，香浓既蒜蓉味系我既至爱，加上粉丝蒸，索晒蒜蓉香同埋蚌汁，实在系嫌唔够喉呀！