MOO MOO

营业中

休息中

星期五收工之后路过观塘，见呢间食汉堡包嘅小店见里面都好多人，就同朋友入去试吓。门口有几张枱，吸烟嘅朋友可以坐系出面呼吸新鲜空气。收工时间都好多人happy HOUR，见有啤酒又有食薯条食，都好受欢迎。是次我哋点左一个芝士肉酱薯条，还有店舖推介嘅经典汉堡以及咸蛋鸡扒汉堡，因为未曾见过咸蛋扒，觉得咁得意就点个试下。经典汉堡有好厚既安格斯牛扒，肉质入口松软，其中都有芝士、蕃茄及生菜。汉堡是即叫即做的，所以煎扒的香味已经好吸引。D汉堡都大大个，我食一个都已经好饱，我最爱佢个包，有牛油味而且煎白左，脆脆地，有好口感。正过一般平价快餐汉堡好多，真系一分钱一分货芝士肉酱薯条新鲜炸起脆卜卜，好香口，而且都比我想像中大碟，好味呀。呢个就系Salted egg chicks burger，黄金虾既做法，其实真系好特别，不过朋友就觉得咸左D，又或者店家都真系用左好多咸蛋。口感都几特别，呢个中西FUSION我好欣赏。总而言之，都是一家令人好有惊喜的小店，收工落来饮杯BEER再食下小食，又同朋友吹下水都是一个几好的减压之选。见旁边的客人食个小食拼盘都好似几吸引，下次又可以来试下先。