影片
更多
2020-01-13
410 浏览
同朋友由蓝田商场行到去德田邨，只脚已经好攰，谂下附近有乜嘢食。睇下附近嘅小店，有泰国嘢、有烧味、有茶餐厅，最尾畀呢间潮州嘅面店吸引。本身钟意食鱼面，所以见到有鱼面，即刻叫一碗，汤底几清唔算好咸，鱼面弹牙，食到好似 潮州白鱼蛋一样既质感。至于配菜方面，因为我唔食牛嘅关系，又唔想简单食白鱼蛋或者猪，最后我选择一个少见嘅配搭，简直令我非常惊喜 ，就系白灼鹅肠。佢可以选腩汁或者沙嗲汁，当然唔食牛既我会选择沙嗲汁。白灼鹅肠肥嘟嘟，每条非常干净，雪白嘅颜色，留低少少脂肪，入口一啲都冇骚味，非常好味，坦白讲 我相信净食白灼鹅肠都已经好满足，鱼面太大碗，对于下午茶黎讲可能有啲饱。佢嘅白灼鹅肠，绝对唔系廉价酒楼𠮶啲干噌噌嘅饿肠「皮」，而系一条条大概手指粗幼、长短非常平均，入口滑捋捋冇苏味。同个啲挛晒一pat嘢嘅鹅肠皮一啲都唔同。我朋友系牛魔王就叫咗一个腩汁牛腩捞粗，对佢嚟讲都几满意。但系食到咁上下我发现身边好多人都同时叫另一个𩠌菜，令我好有惊喜， 虽然已经饱咗八成，但我都要同店员讲，写一碟净沙姜鸡($50)。 我同朋友讨论咗好耐究竟要沙姜鸡饭或者面($42)定系要净沙姜鸡($50)最终决定都系黎一碟净沙
睇下附近嘅小店，有泰国嘢、有烧味、有茶餐厅，最尾畀呢间潮州嘅面店吸引。
本身钟意食鱼面，所以见到有鱼面，即刻叫一碗，汤底几清唔算好咸，鱼面弹牙，食到好似 潮州白鱼蛋一样既质感。
至于配菜方面，因为我唔食牛嘅关系，又唔想简单食白鱼蛋或者猪，最后我选择一个少见嘅配搭，简直令我非常惊喜 ，就系白灼鹅肠。
佢可以选腩汁或者沙嗲汁，当然唔食牛既我会选择沙嗲汁。
白灼鹅肠肥嘟嘟，每条非常干净，雪白嘅颜色，留低少少脂肪，入口一啲都冇骚味，非常好味，坦白讲 我相信净食白灼鹅肠都已经好满足，鱼面太大碗，对于下午茶黎讲可能有啲饱。
佢嘅白灼鹅肠，绝对唔系廉价酒楼𠮶啲干噌噌嘅饿肠「皮」，而系一条条大概手指粗幼、长短非常平均，入口滑捋捋冇苏味。同个啲挛晒一pat嘢嘅鹅肠皮一啲都唔同。
我朋友系牛魔王就叫咗一个腩汁牛腩捞粗，对佢嚟讲都几满意。但系食到咁上下我发现身边好多人都同时叫另一个𩠌菜，令我好有惊喜， 虽然已经饱咗八成，但我都要同店员讲，写一碟净沙姜鸡($50)。 我同朋友讨论咗好耐究竟要沙姜鸡饭或者面($42)定系要净沙姜鸡($50)最终决定都系黎一碟净沙姜鸡。
鸡系滑嘅不过有啲冻，大概例牌嘅size 淋上非常惹味，但我觉得有少少咸嘅沙姜汁，仲有几菜垫底，当系小菜一啲都唔失礼。
我朋友食咗一嚿，饱到顶唔顺，我自己成碟食晒，去埋皮一啲都唔觉肥，一丝丝白色嘅鸡肉令我几回味。
下次如果有有心人，由蓝田地铁站经过白田直上德田去，探下呢间小店，记得c试试。
座位唔算好多，所以你都要睇住时间，我哋今日去嘅时间系下昼三点钟，正好冇人，所以都非常松动。
不过你问我嘅话下次我都想再叫多碟白灼鹅肠。
白灼鹅肠
$138
24 浏览
0 赞好
0 留言
白灼鹅肠
$138
69 浏览
0 赞好
0 留言
张贴
