影片
更多
2012-04-29
50 浏览
系你认识呢间店之前，我想大家家明白一样野，呢间唔系汤面店，如果你系一心想食汤面的话，你可以唔驶入去啦。以我理解，沾面的食法应该系将面条浸落一碗另上的汤到，跟手立即将面啜入口，等汤可以挂系面条上，一并享用。所以沾面的汤底系较浓味的，如果你当佢系一碗汤咁饮，除非你本身系一个超级咸虫，唔系必定系唔好味的。其实店家已经有一份好详细的说明，但系我都唔明好多都仲当佢系汤面咁食。将d面夹晒入去碗汤到，再慢慢品尝。咁结果咪太咸啰，转头系openrice就有人话呢间野的汤底太咸，唔好味云云…唉…成间铺得三种面卖，白伝、黑伝和赤伝。 基本上都系主得猪骨汤底，不过就加入唔同的配料，令到味道唔同。我帮衬过两次，只欠赤伝未品尝过。白伝系传统的猪骨汤，有浓厚的猪骨汤底味道，配上内里的牙菜，夹到面上再一同沾上汤汁，呢个食法爽口弹牙。当然，只系面同沾汤的配合亦非常好，挂上适当的汤汁，入口感受到猪骨汤但不会太咸。面条系我喜欢的幼面，弹牙烟韧，而且正式开业之后亦无早期太碎的问题。面本身系少少凉的，给你配合热汤挂面而食。根据店家所讲，面系佢地每日自制的，所以每日可以卖的数量亦有限。不得不提的是佢个叉烧非常好食，肥瘦的分布配
以我理解，沾面的食法应该系将面条浸落一碗另上的汤到，跟手立即将面啜入口，等汤可以挂系面条上，一并享用。所以沾面的汤底系较浓味的，如果你当佢系一碗汤咁饮，除非你本身系一个超级咸虫，唔系必定系唔好味的。
其实店家已经有一份好详细的说明，但系我都唔明好多都仲当佢系汤面咁食。将d面夹晒入去碗汤到，再慢慢品尝。咁结果咪太咸啰，转头系openrice就有人话呢间野的汤底太咸，唔好味云云…唉…
成间铺得三种面卖，白伝、黑伝和赤伝。 基本上都系主得猪骨汤底，不过就加入唔同的配料，令到味道唔同。我帮衬过两次，只欠赤伝未品尝过。白伝系传统的猪骨汤，有浓厚的猪骨汤底味道，配上内里的牙菜，夹到面上再一同沾上汤汁，呢个食法爽口弹牙。当然，只系面同沾汤的配合亦非常好，挂上适当的汤汁，入口感受到猪骨汤但不会太咸。
面条系我喜欢的幼面，弹牙烟韧，而且正式开业之后亦无早期太碎的问题。面本身系少少凉的，给你配合热汤挂面而食。根据店家所讲，面系佢地每日自制的，所以每日可以卖的数量亦有限。不得不提的是佢个叉烧非常好食，肥瘦的分布配合得十分好，咬落口系有肉汁同有猪肉味的。唔似好多拉面店，块叉烧薄过纸，食左好似无食咁。而且佢会烧一下块叉烧，更加加重了其香味。呢度的笋更加系一流，应该系我暂时食过香港拉面店中最好味的。
蛋呢…不提也罢，唔食无损失，食左无惊喜啰…
而另一碗我食过的系黑伝，面同配料唔讲，都系一样的。但系汤就系猪骨外加入左黑蒜，我个人就不太喜欢，香系香左好多，但系味道太重，而且甚为苦，就算加左汤都仲系太浓味。不太推荐。最后你食完时店员会为你加入猪骨汤，稀释浓汤，呢个时候你就可以一口气把美味的汤饮完，享受整个沾面之旅。
不过来呢度要有心理准备，座位不舒适，而且系零装修的一间店，如果你有靓靓日本情意结，那你亦可以不来了。如果你想食一碗好面，呢度帮到你。毕竟，系香港有心做饮食的食店太少了，隐家我认为佢系其中一间。
张贴
