影片
更多
2014-07-10
3992 浏览
6月中先试食过Dalloyau 的macaron 同埋pastry, 味道一试难忘!估唔到甘快有朋友提议到Dalloyau 入面的法国餐厅 - EPURE试菜, 正! 经过Dalloyau 既零售店同埋Afternoon Tea 既位置, 我地穿过一道金色玻璃门入到去EPURE.一眼望落去, 成间餐厅既装修好高贵雅致, 虽然玻璃门、家私或者墙身都带有金色既设计, 但唔会觉得俗套, 而最吸晴既地方系墙上既图画.图画以森林为主题, 我地仲见到有唔同既小动物，好似鹿、兔仔, 加上画有阳光透射入森林, 都几真实.都系讲返正题! 我地4个人都选择左8-course tasting menu.打头阵有3款餐前小食, 全部bite-sized, 有清清味蕾之效! 特别想介绍Amuse Bouche 黑樱桃冻汤, 个人本来只钟情热汤, 但呢个黑樱桃冻汤唔系好冻, 而且酸酸地, 好开胃, 侍应特别叫我地饮既时候可以连埋底部既芝士一齐饮, 真系好好味, 令我对冻汤既睇法改变左!foie gras de canard 冷热鹅肝两食 (冻批及香煎)配法国啤梨、焦糖汁鹅肝配以面包完全唔腻, 而且冷热两种食法有
估唔到甘快有朋友提议到Dalloyau 入面的法国餐厅 - EPURE试菜, 正!
经过Dalloyau 既零售店同埋Afternoon Tea 既位置, 我地穿过一道金色玻璃门入到去EPURE.一眼望落去, 成间餐厅既装修好高贵雅致, 虽然玻璃门、家私或者墙身都带有金色既设计, 但唔会觉得俗套, 而最吸晴既地方系墙上既图画.
图画以森林为主题, 我地仲见到有唔同既小动物，好似鹿、兔仔, 加上画有阳光透射入森林, 都几真实.都系讲返正题! 我地4个人都选择左8-course tasting menu.
打头阵有3款餐前小食, 全部bite-sized, 有清清味蕾之效! 特别想介绍Amuse Bouche 黑樱桃冻汤, 个人本来只钟情热汤, 但呢个黑樱桃冻汤唔系好冻, 而且酸酸地, 好开胃, 侍应特别叫我地饮既时候可以连埋底部既芝士一齐饮, 真系好好味, 令我对冻汤既睇法改变左!
foie gras de canard 冷热鹅肝两食 (冻批及香煎)配法国啤梨、焦糖汁鹅肝配以面包完全唔腻, 而且冷热两种食法有不同既味道及感觉.
右上角貌似"香煎带子"既系法国啤梨, 经过煎煮后, 啤梨既甜味释放出黎, 好香甜!
asperges vertes du Vaucluse 烤法国沃克青芦荀、焖羊肚菌、乌贼个人对芝士只系一般, 见到呢片"芝士", 心谂"哎呀!". 经侍应介绍, 原来大厨将乌贼压成蓉变成呢块"乌贼片", 呢个功夫令我喜出望外, 而且口感好香软. 起初睇落去馅料好少，点知食落去好似好多甘, 有芦荀、羊肚菌同埋乌贼粒.
le vol au vent 酥化千层皮配炙烧小龙虾、精选时令鲜鱼、甘草汁汁料较为浓味，千层皮带有中和既作用! 呢个千层皮真系一流, 系甜品大厨用秘方以最少既牛油做既, 但咬落真系好酥化, 我地异口同声都赞好味!
canard de Challans & peche 烤焗法国沙朗鸭配水蜜桃、胡萝卜慕丝茸沙朗鸭烤到啱啱好, 无血水, 完全唔靭
lananas 北非"兰姆宾治"菠萝配大地云呢拿、鲜茅屋芝士雪葩食过DALLOUYAU既macaron 同埋pastry, 当然对晚餐既甜品充满期待 & 信心啦!
上面的薄脆好好味, 而且铺有菠萝粒, 配埋鲜茅屋芝士雪葩, 哇...好fresh呀! 而且有不同层次既口感!
le souffle au Grand Marnier 橘香干邑梳乎厘配橘子雪葩虽然个人唔多饮酒, 而且呢个梳乎厘充满干邑既酒香, 但完全唔会令我好抗拒, 加上一冷一热, 配有橘子雪葩, 双重享受!!
呢一餐高级法国餐令我地好满足, 大家都捧住个肚离开!!
题外话/补充资料：
我地为左令成餐饭更完满, 在侍酒师介绍下, 我地选择左支较易入口, 甜D 既DALLOYAU champagne, 原来DALLOYAU 有3款自家品牌的champagne, 大家下次都可以试下, 如果钟意既话,, 仲可以在DALLOYAU 买到添!
(以上食记乃用户个人意见 , 并不代表OpenRice之观点。)
张贴
