CHICKEN FACTORY (迎海薈)

营业中

休息中

位于乌溪沙迎海会商场虽然不乏中西餐厅，但系一般嘅价钱都系一个$100以上一个餐，如果以外卖来说偏贵，所以Chicken Factory外卖系几好嘅选择。本人最喜欢海南鸡配油饭，改做鸡髀为只需要加几蚊。鸡既肉非常嫩滑，而且无骨，唔钟意有骨嘅朋友一定好满意。鸡油饭又香又好味，仲有酸酸辣辣嘅配菜同姜蓉，非常惹味开胃。另外，嗜辣嘅朋友可以选择麻辣海南鸡饭，麻辣嘅酱料系分开嘅，食到几辣都系自己决定。至于之前试过嘅烧鸡，我就唔建议啦，因为我觉得味道一般，海南鸡饭出色好多。至于跟餐仲可以配饮品，只需加$6-12就有好味嘅豆浆、咖啡、奶茶或者冷泡茶任君选择。另外，我最欣赏嘅系佢唔需要等好耐就完成制作食物，赶时间嘅话，呢个一定系最好嘅选择，大约5分钟就会可以攞到食物。