尋味

营业中

休息中

本见到呢间店，卖嘅都系望落平平无奇嘅炒粉面饭，唔太起眼，本身唔太大期望。叫咗个招牌粉米试下，一食之下真系好惊喜，好够镬气。外卖到屋企，仲暖暖哋都好好食，屋企人本身话唔食，但试左啖，都话好好食要添食。份量好足，一个女仔应该食唔晒。配料猪肉、椰菜丝、午餐肉、鱿鱼都唔马虎的，最钟意佢啲椰菜唔系炒到腍晒，仲系好爽口脆身的，令到口感好好，而鱿鱼嘅咸香令成个米粉有提鲜效果。另外仲加咗炸鸡翼，都唔错，但唔够米粉出色。下次想试埋佢嘅炒饭。加埋佢哋无味精的汤，每日都有唔同嘅汤品，真的好满足的晚餐。